Tshiṱori nga Thembi Siaga. Ṱhalutshedzo nga Khathutshelo Raliphaswa.
Muṅwe wa vhaofisiri vha zwa vhuendi vha Masipala wapo wa Makhado, Vho Ezekiel Sigagammba (55), vho farwa nga Musumbuluwo nga tshifhinga tsha fulo la u lwa na vhuaḓa lo livhiswaho kha vhufhura kha maitele ainetshedza dzi ṱhanziela dza u reila ya Limpopo. Vho vha vhe muṅwe wa vhahumbulelwa vha malo vhe vha ḓivhonadza Khothe ya Madzhisiṱiraṱa ya Thabazimbi nga Ḽavhuvhili, ḽa 11 Luhuhi, he vha ṋewa beili ya R3,000 nga munwe na munwe vho.
Sigagammba na mulandu wavho wo ṱanganelanaho na mishumo ya vhufhura kha Muhasho wa u linga wa Lephalale, wa miṅwaha ya sumbe yo fhiraho. Vho Chetelane Nkata (45), Vho David Moabelo (55), Vho Zitha Zamamlikhaya (57), Vho Thapelo Monyaka (33), Vho Moseki ya Patric (59), na Vho James Molapisi (47) ndi vhevha farwa navho.
Vhulanguli ha Ṱhoḓisiso ya Vhugevhenga ha Vhuṋe (Hawks) na Koporasi ya Ndaulo ya Therafiki ya Badani (RTMC) yo ita mushumo wo ṱanganelaho, zwe zwa ita uri hu farwe vhaofisiri vha tshivhalo. Nḓivhadzo ya nyanḓadzamafhungo i amba uri ṱhoḓisiso yo thomiwa nga nwaha wa 2021 u itela u tandulula khaedu ya zwiito zwa tshanḓa nguvhoni kha u ṋetshedza ṱhanziela dza mugudi na dza mureili.
U ya nga muambeli wa Hawks Vho W/O Lethunya Muroa, Vho Sigagammba na muhumbulelwa wavho ane a pfi vho bvisa dzi ṱhanziela dza u reila vha sa tevheli maitele o teaho vha tshi khou ṱoḓa u ṋewa masheleni a tshanḓa nguvhoni. Mushumo, wo ṱaluswaho sa "mushumo wa u bvisa zwithu," wo dovha wa ita uri zwishumiswa zwa eḽekiṱhironiki zwi vhe tshipiḓa tsha vhuṱanzi ha ndeme.
"U farwa ha zwenezwino zwi ḓisa tshivhalo tshoṱhe tsha vhahumbulelwa kha 24 u bva nga Ḽavhuṱanu, ḽa 7 Luhuhi 2025. Nga u angaredza, vhathu vha 11 vho farwa malugana na vhuaḓa vhune ha khou humbulelwa na vhufhura kha Muhasho wa u Ṱanganelana wa Lephalale. Ho vha na u farwa ha vhaṅwe vha rathi mafheloni a vhege, nahone vhahumbulelwa vhoṱhe vho ḓi vhonadza lwa u tou thoma ṋamusi, nga ḽa 10 Luhuhi 2025," ho amba Vho Muroa.
Muhumbulelwa wa vhumalo o ḓiṋekedza kha mapholisa.
Mulandu wo fhiriselwa phanḓa nga ḽa 3 Fulwi 2025 u itela ṱhoḓisiso dzo engedzeaho dza mapholisa nau kuvhanganyiwa ha zwinwe zwidodombedzwa zwa ndeme.
U bva kha zwinwe zwa zwidodombedzwa zwo bveledzwaho, Vho Sigagammba vho thoma u shuma kha Masipala wapo wa Makhado lwa minwaha i ṱoḓaho u vha miṅwaha ya ṱahe yo fhiraho. Mbudziso dzo rumelwa kha Masipala wa Makhado vha tshi khou vhudzisa uri vho imiswa lwa tshifhinganyana musi mulandu u tshi khou bvela phanḓa, fhedzi a hu na na muthihi wa vhaambeli vhe vha vha vhe hone.