Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Murendi wa zwirendo zwa khuliso, Masingita Shibambu ane a ḓivhea khwine nga ḽa Ntombi Ya Mutsonga, u bva kusini kwa Matiyani, o dovha hafhu a huliswa a tshi renda vhurendi hawe kha luvhande lwa u vhonwa u mona na ḽifhasi. Ntombi ndi murendi, munwali, na muimeleli wa luambo lune lwa ṱahisa sialala ya Afrika Tshipembe. Nga vhutsila hawe, o kona u nangwa sa ene murendi ane a ṱahisa vhurendi ha u hulisa kha samithi ya BRICS ya ṅwaha uno.
Samithi ya BRICS ye ya farelwa zwifhatoni zwa Union Buildings u bva nga ḽa fumbili-mbili u swika ḽa fumbili-nṋa Ṱhangule. Kha samithi iyo ye ya rangwa phanḓa nga muphuresidenndene wa Afrika Tshipembe Vho Cyril Ramaphosa, ye Ntombi a vha na tshikhala tsha u renda luvhanḓeni ulwo, hovha na vharangaphanḓa vha mashango a u mona na ḽifhasi hu tshi katela na Vho Xi Jinping vhane vha vha muphuresidennde wa ḽa China. U dalelwa ha Afrika Tshipembe zwovha zwi tshi katela na u pembela minwaha ya fumbili-ṱhanu ya vhushaka havhuḓi vhukati ha mashango mavhili, ane o sika vhushaka u bva nga ṅwaha wa gidi-ḓaṱahe fuṱhanu-ṱhanu.
Ntombi ha thomi u renda luvhandeni lwa lushaka nanwaha, nga ṅwaha wa gidimbili-fumbili-mbili, o ṱahisa vhutsila hawe a tshi renda kha SONA. A tshi ṱahisa nḓila ine a livhuwa tshikhala itshi, Ntombi uri: "Mudzimu vho nndugela. Ndi nga tshilidzi tshavho hezwi zwoṱhe zwi khou itea. Lwendo lwanga lwa uvha murendi lwovha lwendo lwo ḓalaho u ṱahisa nga ha sialala, u tumbula nḓila dza luambo, na u takalela vhuḓi ha u fhambana ha dzi tshaka dza Afrika Tshipembe."
U shumisa hawe luambo lwa ḓamuni na sialala ya Afrika Tshipembe, zwovha khulisa na tshikhala tshavhuḓi. Tshikhala itsha tsho mu konisa u renda tshirendo tshine tsha pembela u fhambana ha kha lushaka lwawe, zwo dovha hafhu zwa mu ṋea tshikhala tsha u ḓivhiwa u mona na ḽifhasi nga ha vhutsila hawe.
"Kha nṋe muṋe, hovha hu tshikhala tsha u shumbedzisa vhuḓi ha Afrika Tshipembe kha vhathu u mona na ḽifhasi. Ndi shumisa vhutsila hanga u fhaṱa vhushaka vhukati ha sialala dzo fhambanaho, uvha na u pfesesa huthihi, na u ṱhonifhana," a amba.