Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Mushumo wa muzika wa Musatondwa Ndou wo thoma nga ṅwaha wa 2015, musi ṅwananyana wawe, Ritshidze Mabiku, a tshi khou ṱhaphudza pfunzo dzawe kha tshikolo tsha u alusa vhana tsha henefho muvhunduni. Musi a tshi humbelwa u imba kha vhuṱambo, u tamba hawe ho sia vhaṱaleli vho ṱuṱuwedzea.
Ipfi ḽawe ḽo kunga vhathu na muṅwe muṱoḓisisi wa muzika a ḓivheaho, Mudavudavu, we a mbo ḓi mu isa nḓuni dzau rekhoda. Henefho, vho rekhoda aḽibamu yavho ya u thoma, Ndi Tshilele Gai, ye ya bviswa nga ṅwaha wa 2016.
Namusi, Musatondwa Ndou - ane a ḓivhea khwine nga dzina ḽawe ḽa kha ndowetshumo ḽa Musasa - u na dzi aḽibamu nṋa na dzi single mbili dzine dza vha kha dzina ḽawe. Muimbi wa minwaha ya furaru sumbe ubva Halambani, nnda ha Thohoyandou, zwenezwino o vusa mufhiso nga u bvisa luimbo lwawe lwa vhuraru, Mafunoni. Thandela ya solo, luimbo lwo rekhodiwa Martin kha Beat Studio ngei Halambani Nzanwe nahone lwa bviswa vhege mbili dzo fhiraho.
Naho vho vha vho dzhena tshikolo tshiṱuku, mushumo wa Musasa wa muzika u khou bvelela.
"Single a i athu vha kha dzi puḽatifomo dza muzika, fhedzi ndi nga ni fulufhedzisa uri u ṱanganedzwa ho vha hu havhuḓi vhukuma," a ralo. "Ndi khou tambula nga u tevhedza dziṅwe dzi ṱhoḓea, dzine nda khou dzi rengisa nga zwanḓa. Hezwi zwi sumbedza uri luimbo lwo no ḓivhea hani. Ndo takala vhukuma nga nḓila ine zwithu zwa khou tshimbila ngayo. Hezwi zwo ṱuṱuwedza vhuḓipfi hanga, nahone tshikhala tsha u bvisa aḽibamu yo fhelelaho hu si kale ndi tshavhuḓi vhukuma."
Musasa u ṱalusa Mafunoni sa luimbo lu ambaho nga ha lufuno.
"Welani kha lufuno uri ni kone u ḓivha vhuḓi hayo. Ndi kha lufuno lwo dzikaho nahone ndi khou ḓiphina ngazwo. Ndi khou ṱuṱuwedza vhane vha kha ḓi ḓivha dakalo ḽa u wela kha lufuno uri vha ite nga u ralo, nahone vha ḓo pfa zwine nda khou pfa," a vhina.