Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Gole ḽitswu ḽo tiba nṱha ha muḓi wa ha Singo vhane vha wanala Itsani Maganngwe nnḓa ha Thohoyandou, nga murahu ha u nwela khothe ha mutukana wa miṅwaha ya fumi-mbili, Mulamuleli Singo.
Mutukana uyo,ndimugudiswa wa murole wa vhusumbe (7) tshikoloni tsha fhasi tsha Mashila, ovha o ya u bammbela na Dzikhonani dzawe mulamboni wa tsini wa Tshidumbi, he a nwela khothe hone.
Tshiwo itshi tsho itea nga Mugivhela wa ḽa 15 Luhuhi. Khaladzi a mutukana, Violet Thobo, o ri o mu sia hayani musi ovha o ya renga zwinwe zwa zwithu zwa hayani ngei ḓoroboni ya Ṱhohoyanḓou nga ḽenelo ḓuvha.
"Ho vha hu nga awara ya vhuraru masiari musi ri tshi fhedza u renga zwithu, ndi he nda founelwa na zwenezwo uri ndi ye mulamboni wa Tshidumbi. Mathomoni, ndo vha ndi sa kholwi zwe ndovha ndi tshi khou vhudziwa, sa vhunga ndo vha ndo mu sia hayani. Fhedzi nga murahu ha u ṱuṱuwedzwa, ndo mbo ḓi gidimela henefho nahone nda sumbedzwa zwiambaro ngomu mulamboni, zwe nda zwi limuwa sa zwawe. Muvhili wawe u si na vhutshilo wo vha wo no hwalelwa nnḓa ha mulambo nga vhatukana vhapo nahone nga murahu wo dzhiiwa nga vhaḓivhi vha zwa tshumelo dzoraliho vha forensiki," vho amba.
Thobo o amba zwauri lufu lwa khaladzi awe lwo vha lu tshi khou lemela vhukuma miraḓo ya muṱa muṱa.
"Mme awe vho lovha miṅwahani yo fhiraho, nahone o vha a tshi khou ṱhogomelwa nga makhulu awe. O vha e mutukana wavhuḓi we a vha a tshi ṱhonifha muṅwe na muṅwe muṱani. Ri kha tshiimo tsha u hanganea sa muṱa u shayaho. A ri divhi na uri ri do mu vhulunga hani. Ri ḓo tea u ḓitika nga vhuthu ha vhadzulapo," vho engedza ngauralo.
Murangaphanda wa tshitshavha Vho Michael Gumula vhari zwiwo zwa u nwela khithe zwo no vha thaidzo khulwane muvhunduni. "Ro vha na zwoitea zwo vhalaho tshifhingani tsho fhiraho. Miṅwahani i si gathi yo fhiraho, ho wanala tshitumbu tshi tshi khou papamala hu si kule na he mutukana a nwela khothe hone. Nga nnḓa ha zwenezwo, ho vha na miṅwe milandu. Ri humbela vhabebi uri vha sedze vhana vhavho nga vhuronwane na u ḓivha hune vha khou tamba hone u itela u thivhela makhaulambilu o raloho. Ri dovha ra ita khuwelelo kha vhadzulapo uri vha tikedze nga vhuḓalo vha muṱa wo welwaho sa izwi ri tshi ḓivha nyimele yavho," vha amba.
Muambeli wa SAPS Vhembe Vho W/O Vuledzani Dathi vho khwathisedza tshiwo itshi, vha ri zwo itea nga mugivhela nga masiari a awara ya vhuvhili.
"Mutukana wa miṅwaha ya 12 o ya u ṱambela mulamboni wa tsini na khonani dzawe sa nga misi. O ḓou dzhena mulamboni zwe a vhuya a swika magumoni o dzikaho fhedzi a kundelwa u bva, nahone nga ṅwambo wa zwenezwo, o mbo nwela khothe," vha amba.
Vha divhi vha zwa mitsho ndi vhe vha eletshedza vhadzulapo u mona naa Vhembe khauri vha ḓi ṱhogomelo khathihi na vhana milamboni na tsini ha maḓi zwihulu zwa zwino musi mvula dzo ṋesa. Vhege mbili dzo fhiraho ho vhigiwaho nga munwe wa vhagudiswa we nae a nwela khothe mulamboni. Zworalo vhana vha ṱhogomelwe hune vha tamba hone misi yoṱhe.