Tshiṱori nga Kaizer Nengovhela. Ṱhalutshedzo nga Khathutshelo Raliphaswa
"Ndi bva vhuponi ha mahayani vhukuma, nahone ndivho yanga ndi u vhea tshitshavha tshanga kha mapa, uri vhaswa vha kone u sedza kha nṋe u itela u wana ṱhuṱhuwedzo kha vhutshilo," hu amba Mulalo Luvhimbi, muvhali wa mafhungo kha Vuwani FM.
Lufuno lwa Luvhimbi lwa luvhanḓe lwo thoma u vhonala musi a tshi kha ḓi vha mugudiswa tshikoloni tsha nṱha tsha Matodzi, he a vha a tshi shela mulenzhe kha khanedzano na nyambo dzi songo lugiselelwaho. Musi a tshi fhedza tshikolo, ḓo uya u ṱhaphudza pfunzo dzawe dza digirii ya vhutsila kha ngudo dza nyanḓadzamafhungo ngei gudedzini ḽa Yunivesithi ya Venda.
"Ndovha ndi tshi kona vhukuma ṋea nyambo dzi songo lugiselelwaho musi ndi tshikoloni tsha murole wa nṱha. Vhaṅwe vha vhagudiswa vhe nda dzhena navho kilasini na vhagudisi vhoṱhe vho vha vha tshi takadzwa nga vhutsila hanga ha dzi khanedzano, nahone kanzhi ndovha ndi tshi bva nga vhuimo ha nṱha musi hu tshi vha na miṱaṱisano ya tshikolo. Ndovha ndi sa humbuli uri zwi ḓo ita uri ndi swike hune nda vha hone ṋamusi. Kha nṋe, u vhalela vhathu vha zwigidi mafhungo ndi murahu ha khudzaipfi ndi muloro wo wedzaho."
Lufuno lwawe lwa radio lwo thoma musi a tshe musidzana muṱuku, a tshi thetshelesa radio na u edzisa vhahashi na vhavhali vha mafhungo. Nga murahu ha musi o no aluwa, ovha a tshi rambwa uri avhe mutshimbidza mishumo kha mishumo ya phuraivethe na ya tshitshavha, he a bvelela nga ipfi ḽawe ḽo khetheaho.
"Ndi nga kha tshenzhemo itsho he nda zwi limuwa zwauri ndi mudavhidzani wavhuḓi, a bvelelaho," a amba. "Ndovha ndi tshi ṱoḓa vhathetshelesi vhanzhi, nahone nga murahu radio ya vha tshiṱitshi tshanga tshi tevhelaho. Heyi a si fhethu hanga ha u fhedzisela, ngauri ndi a zwi ḓivha uri ndo vhetshelwa zwithu zwihulwane vhutshiloni," a engedza.
Luvhimbi wa vhukoni u ḓivhona sa tshipiḓa tsha vhathu vhane vha shela mulenzhe tshitshavhani. Zwitshavha zwo raloho zwi ṱoḓa tsumbo na vhathu vhane vha dzulela u engedza ndima ntswa khulwane vhutshiloni havho. "Ndi khou ṅwala yeneyo nganea yavhuḓi," a vhina.