Tshiṱori nga: Maanda Bele. Ṱhalutshedzo nga: Khathutshelo Raliphaswa.
Mashudu Sharon Kwinda wa minwaha ya fumi-na-ṱahe ane avha muṅwali na murendi a ḓivheaho o anḓadza ḽitambwa ḽawe ḽa u thoma ḽine ḽa vhidzwa 'Ndi Philiphise', nga ḽa fumbili-na-ṱahe Ṱhangule ṅwaha uno.
Mashudu ndi munwe wa vhaṅwali vhane mishumo yavho yo no anḓadzwa kha nyanḓadzo ya Khanombuya, ine yavha khuvhanganyo ya zwirendo zwa Tshivenda.
Mashudu ane a bva Mbaleni o ṅwala, a langula 'Ndi Philiphise' ene mune, hone a dovha a tamba e mutambi dendele, Denzhelangoho. "Litambwa iḽi ḽo kanḓiswa hanefha khala Lufule na Makwarela lwa vhege mbili. I sedzana na musidzana we a avhelwa ndambedzo ya pfunzo dza nṱha. Fhedzi a fhedza o xelelwa nga ndambedzo iyo nga hone u kundelwa kha thero dzawe gudedzini. U khundelwa hawe ho vhangwa nga u tevhela vhangana vhe vha mu sumbedza nḓila dzisi dzavhuḓi. Ari a tshi vhuya hayani a wana makhulu awe vho lovha, mufunwa wawe o mala munwe muthu."
Vhanwe vha vhatambi ndi Mudau Gudani, ane a tamba sa Papa Money, Takalani Nemavunde sa Wolf, Farisani Munzhelele sa Phethani, Vhuhwavho Muhali sa Nomsa, na Matodzi Rambauli sa Vhagwanne.
Zwe zwa ṱuṱuwedza Mashudu uri a ṅwale litambwa iḽi ndi zwine a vhona zwi tshi itea kha matshilo a matshudeni a Yunivesithi ya Venda ḓuvha linwe na linwe, hune ene u mutshudeni wa ṅwaha wa vhuvhili kha buḓo ḽa bayolodzhi ya zwithu zwiṱuku (microbiology). Kha u kanḓisa ḽitambwa iḽi, khaedu ye vha ṱangana nayo ndi u shaya zwishumiswa zwo fanelaho zwa u kanḓisa, fhedzi naho zwo ralo, u a ḓi rwa khana nga mushumo we a u bveledza.
Ndi Philiphise i wanala kha YouTube (https://www.youtube.com/watch?v=vMJF30tSLLg).