Ṱhalutshedzo nga Khathutshelo Raliphaswa.
Arali vhushaka vhukati ha ṋaledzi ya Zimbabwe Munaishe na maestro wa muzika wapo a ḓivheaho nga ḽa Acolly Mandiza ndi tshiṅwe na tshiṅwe tshine tsha fanela u fhira, nḓowetshumo ya muzika wapo yo wana mubvumo muswa u homolosaho.
Vhaimbi vhavhili vha re na maanḓa na vha re na lufuno vho ṱanganela kha u bvisa EP i re na maanḓa, Muzika Wa Afrika.
EP yo ṱanganelaho yo lavhelelwaho vhukuma yo bviswa nga ḽa 6 Ṱhafamuhwe. I tshi ḓala nga u anetshela zwiṱori zwo pfumaho na vhudzivha ha mvelele, EP iyo i na nḓila dza rathi dza maanḓa: Vhutshilo, Lufuno, Ndambva, Mutheo wa Musanda (U ḓikumedza), Vho Naka, na Muzika Wa Afrika.
EP yo thomiwa kha MRock Restaurant i tshilaho ngei Pretoria, he vhafuni vha wana muḓifho wavho wa u thoma wa lwendo ulwu lwa muzika lu ṱuṱuwedzaho. Tshiitea tsho vha tsho ḓala maanḓa, lufuno, na u dzhiela nṱha ho dzikaho ha muzika wa Afrika na vhufa.
U rwelwa ṱari ho dovha ha swaya nḓivhadzo ya lwendo lu ḓaho lwa u mona na shango ḽoṱhe.
"Ndo thoma u ṱangana na Munaisi nga tshifhinga tsha mutangano ya TikTok Live yo farelwaho nga Musanda Musanda wa Musanda Foundation," ho amba Mandiza. Nga tshifhinga tsha mutangano, o vha o ṱuṱuwedzwa nga vhutsila ha Munaishe ha vhutsila ha u ṅwala ngaluamba lwa Tshishona. "Ndo swikelela nda mu ramba studio, ngauralo ri nga shumisana. Mashudu mavhuya, zwa zwino u dzula Afrika Tshipembe, zwe zwa ita uri zwi leluwe u ṱanganya na u ḓisa bono ḽashu kha vhutshilo. U bva henefho, ro thoma lwendo lwa u sika EP iyi, u ṱanganya zwitaila zwashu zwo khetheaho na ṱhuṱhuwedzo dza mvelele kha tshithu tsho khetheaho zwa vhukuma.
Ro dzhia tsheo ya u isa muzika washu thwii kha vhathu, nahone u thomiwa ha aḽibamu zwo dovha zwa shuma sa mathomo a lwendo lwashu lwa shango ḽoṱhe," vha ralo.
Kha mutambo wa vhuvhili wa lwendo lwavho, vhavhili avha vha do disa u tamba havho hu tshi khou bvelela kha Thavhani Mall News Cafe ngei Thohoyandou nga ḽa 30 Ṱhafamuhwe.
"Lwendo ulwu lu fulufhedzisa u vha vhusiku ha muzika wa maanḓa a nṱha, mitambo ya muya, na u pembelela zwa vhukuma vhutsila ha Afrika," ho amba Mandiza.
Vhafuni vha nga dovha vha lavhelela mutevhe wo ḓalaho ṋaledzi, na u bvelela ho khetheaho ha vhaeni nga ṋaledzi dza ḓivhazwakale na dzine dza khou bvelela kha nḓowetshumo, hu tshi katelwa na muimbi wa kale Elvis Mandiza.