Ṱhalutshedzo nga Khathutshelo Raliphaswa.
Nga murahu ha miṅwaha minzhi ya uvha kha nḓowetshumo ya muzika, muimbi wa muzika wa mafhungo-maḓifha wa Zionist Naphy Manenzhe - ane a ḓivhiwa khwine sa Naphy M kha nḓowetshumo ya zwa muzika wa gospel - u khou isa phanda na vhukoni hawe kha muzika wa u ḓifara kha vhuimo vhuswa.
Murwa o bebwaho Tshitavha khala Vhulaudzi, ubva kha vhupo ha Nzhelele, o bvisa nyimbo i takadzaho ya house/piano remix ine ya pfi Rivhana Vhavho nga ḽa 6 Lambamai. Luimbo lwo bva kha aḽibamu ya 2017 kha album yawe Ariyo Vhonisa. Kha remix, Naphy M o shumisana na vhaimbi vha ḓivheaho Vho Mike Radzilani na Elfas Denga.
Naphy M o ri o ṱanganedza mubvumo wa piano/house u itela u swikelela vhathetshelesi vhanzhi. U ṱuwa uhu hu swaya u bva kha u bviswa hawe ha u fhedzisela, Baba Rilwele, nga 2019.
"Vhaswa vha ṋamusi a vha ṱoḓi u ṱanganelana na lushaka lwa kale lwa u imba. Vha ṱoḓa tshiṅwe tshithu tshi fhisaho na u vha na vhushaka na tshifhinga tshavho. Ndo pfa uri ndi khou sia mimuya minzhi nnḓa nga kha muzika wanga, nahone u itela u i ḓisa kha sambi ḽa Mudzimu, ndo vha ndi tshi fanela u vha ṋea wonou muzika. Heyi ndi muzika wa u tshina wo ḓiphiniwaho nga vhanzhi, nahone ndi fulufhela uri vha ḓo thetshelesa mulaedza ngeno vha tshi khou tshina kha beat," o ralo.
O engedza nga uri single ntswa yo vha i tshi khou amba nga ha lufuno. "Kha ri funane rothe ri songo lwa, kha ri vhulunge phambano dzashu ri tende mulalo u tshi vha hone vhukati hashu. Hezwi zwi nga swikelelwa fhedzi arali rothe ri tshi rabela na u sedza ntha Mudzimu," Naphy M o ralo.
Nga dzi album dza 11 dza kha dzina ḽawe, Naphy M yo ḓa kule. Mushumo wawe wa u thoma u katela na u konḓelela zwine zwa funeswa nga mafhungo-maḓifha u fana na Ri Funana, Murena a si Tende, Ro Tendelana, Ri Khathutshe, U Thoma, na Nga Lutendo, na Lutendo Lwanga.
O vha muthu o ḓoweleaho ḓoroboni dzi ngaho Biaba, Louis Trichardt, na Thohoyandou - kanzhi dzi vhonala kha nyambaro yawe ya kereke ya luswayo lwa thengiso, ine ya ḓivhiwa sa Gusheshe, i rengisaho muzika wawe kha goloi yo ṱanganedzwaho nga zwipikara zwihulwane zwi sa vhonali.