Tshiṱori nga: Maanda Bele & ṱhalutshedzo Nga: Khathutshelo Raliphaswa
Nga dzi 20 Phando ṋaṅwaha, muimbi makone wa muzika Funanani Canly Phalanndwa ane a ḓivhea sa Ras Canly nga vhatevheli vhawe, o bvisa alibamu ya muzika muswa, ino vhidzwa Thaidzo ndi Muḽoro. Ahuna na muthu na muthihi ane o mangala uri muzika uyu wo bvelela zwavhuḓi. Muzika uyu u khou bva kha aḽibamu yawe ine ya khou tevhela, fhedzi vhatevheli vhawe vha ḓo tea u lindela uri a bvisele khagala uri aḽibamu iyo i ḓo bvisiwa lini.
Ras Canly wa miṅwaha ya 31, ane a bva kha kusi kwa Tshiombo, ndi ramuzika wa mizika ya tshaka dza; u tshina, rege na hip-hop ane ono bvisa muzika na vhanwe vho ramuzika vha ḓivhea vhukuma u fana na Bomo Unlimited, Mizo Phyll, Prifix, Ramzeey, Metro CMG , u tou topola vhaṱuku kha vhanzhi.
Ras Canly ndi ramuzika ane ndi kale a khou sikela vhathu muzika u swika zwino. Nyimbo yawe ine ya pfi Ritofhana, ine ya bva kha aḽibamu yawe Mbilu yanga (my heart), yo ita ḓivhazwakale nga 2017 musi i tshivha yone yau thoma nahone yone fhedzi kha muzika wa rege fhano South Africai i tshi wina uvha nyimbo ya ṅwaha kha dzi awadi dza muzika wa Tshivenda (TSHIMA). Aḽibamu yawe ya vhuvhili, My Pride, yo wina tshiphuga kha uvha muimbi makone wa tshinani kha TSHIMA nga 2018. Aḽibamu yawe; The Journey (aḽibamu ya vhuraru ya 2019) na ya Hard to Believe (aḽibamu yawe ya vhuna ya 2021) dzo nangiwa kha aḽibamu ya ṅwaha ya khwine ya rege kha dzi awadi dza muzika wa Afrika Tshipembe (SAMA).
Minwe ya mizika ine ya ḓivhea ya Ras Canly ndi Hogo, Tshedza, No vha ni ngafhi, Hard to Believe, Dzuvha, Why, Too Long na dzinwe nnzhi.
"Ndi khou shuma na vhoramuzika vha tshivhalo kha aḽibamu yanga ine ya khou tevhela, ndi tshi katela na Maumela Mahuwa (Susan) wa kha ḽitambwa Muvhango. Ndi takalela u shuma na vhanwe vhoramuzika," hu amba ramuzika.
Ras Canly uri u ṱoḓa u swikelela kha uvha ramuzika a ḓivheaho u mona na ḽifhasi nga muzika wawe.