Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
U vhulawa ha Rolivhuwa Tshivhase, mune wa tshimauswu fhala Ṱhohoyanḓou, ho vusa mbilaelo dza vhadzulapo vhanzhi vhuponi uhu ngaha tsireledzo yavho. Vhupo uvhu ha Ṱhohoyanḓou vhu khou vhonala hu tshivhilelana tsha vhugevhenga hune mavemu a vhusa nga ufuna.
Rolivhuwa wa minwaha ya fumbili rathi a bvaho Muledane ovha a khou rengisa kha tshimauswu tshawe tsini na vhuawelo ha nnyi na nnyi Ṱhohoyandou Golgotha nga Ḽavhuraru ḽa fumbuli-thihi Fulwi, nga masiari atshi thuntshwa a lovha kha khuḓano ye yavha i hone vhukati hawe na munwe munna we asi bulwe dzina.
Mapholisa vha khou ita ṱhoḓisiso dza uri khuḓano iyi yo vhangwa ngani. Vhashumi vhe vha vhona tshiwo itshi avha khou ṱoḓa u bvela khagala ngauri ho bvelelani fhedzi vha tshi ṱalusa Tshivhase, vhari: "ovha a munna o lugaho hone a tshi fara vharengi vhawe zwavhuḓi".
Khaladzi a Tshivhase, Masindi Tshivhase, uri o ṱanganedza ṱhingo e mushumoni vha tshi mu luma nḓevhe nga tshiwo tsho iteaho. "Ndo ṱavhanya nda gidimela he tshiwo tsha bvelela hone, ndovha ndi khou humbula uri ṱhanwe o tou huvhala kana a nndwani uri ndi mu thuse, fhedzi ndori u swika afho, nda vhona o lala vhukati ha bada o putelwa nga bammbiri litswu, nda mboḓi vhona uri na ngoho ha tsha tshila. Ndo lindela mapholisa ndi goloini uri ndi ḓe u khwaṱhisedza tshitumbu. U vhona tshitumbu tshawe kha tivha ḽa malofha zwo mmbaisa vhukuma," a amba.
Rolivhuwa ovha a tshi renga zwine a rengisa kha vhengele ḽa tsini na hune nda shuma hone. "Ndo mangala a sa vhonali ḓuvha ḽe tshiwo tsha bvelela. Kha nndwa ye avha nayo na muthu we a mu vhulaha, o lingedza u lilela vhutshilo hawe, fhedzi amu vhulaha naho zwo ralo. Zwia konḓa u ṱanganedza uri na ngoho o ri sia lwa tshoṱhe," a engedza.
Mudzulatshidulo wa foramu ya mabindu Thulamela, Vho-Ntiseni Mbulungeni, vhari vhugevhenga vhure vhuponi ha Ṱhohoyandou vhu khou kwama mabindu a Ṱhohoyanḓou nga nḓila isi yavhuḓi. "A ringo tsha tsireledzea. Vhalambedzi vha mabindu vha khou ṱuwa, zwine zwa khou wisa ikonomi zwa sia vhunzhi ha vhathu vha sina mishumo. Ri livhuwa tshumelo ya mapholisa kha zwiwo zwine zwo itea vhege dzo fhelaho hone ri humbela uri na vhadzulapo vha dzulele u thusa nga zwine vha ḓivha," vha amba.
Muambeli mufareli wa tshumelo ya tshitshavha ya SAPS , Vho sedzheni Vuledzanii Dathi, vho khwaṱhisedza tshiwo itshi hone ho vulwa mulandu wa bulayo. "Ṱhoḓisiso dzi khou bvela phanḓa hone ri fulufhela uri ri ḓo fara muhumbulelwa sa izwi a tshi ḓivhea," vha amba.
Tshivhase o vhulungwa nga Mugivhela wa ḽa fumbiliiṋa Fulwi.