Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Vho-George Munzhelele vha minwaha ya fusumbe mbili ubva kusini kwa Dzimauli vha khou humbela muvhuso na madokotela vha vha thuse kha vhulwadze vhusa ḓivhei vhune vha khou ṱangana naho. Vhulwadze uvhu vhuvha tshilisa u vhavha hone vho no xetshelwa nga minwe na zwikunwe.
Vho-Munzhelele vhari ḓuvha ḽe thaidzo iyi ya thoma, vho tou ṱhavhiwa kha gunwe ḽa tshanḓa tsha monde, minwaha yo fhelaho. "Nga murahu ha vhege, ndo thoma u vhona gunwe langa ḽo zwimba. Maḓuvha a tshiya, ha thoma u sina lune gunwe ḽa fhedza ngau tumulwa. Nga murahu ha tshifhinga, miṅwe ya minwe yanga ya thoma u sina i tshi tumulwa, zwa fhirela na kha tshanḓa tsha ula. Ndo tou fhedza ndo tumulwa minwe yoṱhe zwanḓani. Vhulwadze uhu hori u fhela zwanḓani, nda thoma u sina nau tumulwa zwikunwane. Ndi dzulela u pfa unga huna tshithu ngomu muvhilini wanga, ndi kholwa uri ndi tshone tshine tsha ḽa miraḓo ya muvhili wanga," vha amba.
Vho-Munzhelele vhari vho noya vhuongeloni ha Donald Fraser lwa tshivhalo, fhedzi vhaongi avha khou ḓivha nau vhona uri vha khou tambudzwa nga vhulwadze-ḓe.
Vhulwadze uvhu vhu tambudzaho Vho-Munzhelele, vhu na minwaha i fhiraho ya malo, hune vhafunzi vha kusi kune vhadzula hone Vho-Annah Ramabulana vhovha dalela nga upfa vhulwadze uhu. Vho vhona nyimele ya hune vha dzula hone i nyimele i tatisaho. "Ndo vha fhaṱela hau dzula ndavha nea na zwishumiswa," vha amba.
Vho-Ramabulana vho dzudzanya ḓuvha ḽau pembelela minwaha ya fusumbe mbili, vho tou mangadzwa ngau vhona vhana vha Vho-Munzhelele vha tshi bvelela. "Ndovha ndi sina nḓivho yauri vhana vhana, fhedzi ndo takala ndi tshi vha vhona. Ndovha ndo dovha hafhu nda lavhelela uri vha ḓo ṱuwa na khotsiavho uri vhavha ṱhogomele fhedzi ngauri ndi vhafumakadzi vho malwaho, vho kundelwa," vha amba.
Vho-Azwihangwisi Lirumo, vhane vha shuma u dzudzanya na u kunakisa kerekeni ya Vho-Ramabulana, vho humbelwa u ṱhogomela Vho-Munzhelele. Duvha ḽinwe na ḽinwe vha ya u kunakisa, vha bika nau kuvha zwiambaro zwavho, izwi zwoṱhe vha sa lavheleli ndivhuwo ya masheleni. Vhari vha ṱhogomela Vho-Munzhelele ngauri vha tenda uri lufuno lwavho lwa mudzimu ndi lune lwa vha thusa u shuma vhasa lavheleli masheleni ubva kha kereke. "A zwingo leluwa, fhedzi ndi tenda uri mudzimu vho nkhetha huna tshivhangi. Ndi ḓo bvela phanḓa nau thusa nga hune nda kona," vha amba.
Vhane vha takalela u thusa Vho-Munzhelele vha nga kwama vhafunzi Vho-Ramabulana kha nomboro dza 072 208 5149.