Tshiṱori nga Victor Mukwevho. Ṱhalutshedzo nga Khathutshelo Raliphaswa.
Mugidimi wa mbambe yatshikhala tshilapfu abvaho khala Dididi Nditsheni Mathobo o pika u ita ḓivhazwakale sa mugidimi wa u thoma o ṅwala divha zwakale ya u gidima u bva luvhanḓeni lwa Moses Mabhida ngei Durban u ya Thavhani Mall fhano Venda, Thohoyandou.
Mathobo o thoma lwendo lwawe nga matsheloni a Musumbuluwo nahone u khou lavhelela uri a nga fhedza u gidima ha khiḽomitha dza 1,080 nga maḓuvha a 26.
Musi a tshi khou amba na vha nyanḓadzamafhungo ya Limpopo Mirror nga murahu ha u fhedza u gidima hawe ha Musumbuluwo ngei Nchanga, Durban, o sumbedza u vha na fulufhelo ḽa u swikelela tshipikwa tshawe sa zwine a khou lavhelela. "Ndo dzhia tsheo ya u gidima 50 km nga ḓuvha, nahone ndi pfa u nga ndi khou tshimbila nga tshikepe zwa vhukuma," o ralo.
Musi a tshi vhudziswa arali u gidima uhu hawe ho ṱuṱuwedzwa nga Pfano Ungedzani, we nae a gidima u bva Pretoria, Gauteng a tshi khou ya Thavhani Mall o pika u lwa na GVBF, Mathobo a amba uri ndi muloro wa muthu nga eṱhe we wa ḓou simuwa lwa minwaha minzhi ya murahu hone zwa zwino ho no fhela tshifhinga tshilapfu zwi saathu u anwa mitshelo. "Ndo vha ndi tshi khou shela mulenzhe kha Comrades Marathon fhano Durban lwa miṅwaha ya 15 yo fhiraho. Nga murahu ha mbambe iṅwe na iṅwe, ndo vha ndi tshi dzulela u humbula uri arali nda wana vhatikedzi, ndi nga gidima hayani u ya Dididi nga ḓuvha ḽi tevhelaho. A si nga ṅwambo wa zwe Pfano Ungedzani a zwi swikelela," Mathobo a ṱalutshedza.
Mathobo uri tshipikwa tshawe tshihulwane ndi u kuvhanganya masheleni a u thoma zwishumiswa zwa u ḓimvumvusa kha tshitshavha tsha hayani Venḓa. Hezwi zwi ḓo ṱuṱuwedza u ita nyonyoloso, u ṱhogomela mutakalo, na u thusa u thivhela malwadze a tshimbidzanaho na u nona na matshilele a si na mutakalo wavhuḓi.
Mathobo o thoma u gidima kha mbambe dza tshikhala tshilapfu mathomoni a miṅwaha ya 1990 musi a tshi dzhena kha Club ya Athletics ya Martin Ndivheni ya munnaavhane Vho Martin Ndivheni.
O humbula a amba zwauri: "Ndo vha ndi muṅwe wa vhagidimi vha khwinesa vha re kule na vhagidimi vha re kule kha kilabu, fhedzi ho vha hu lwa tshifhinganyana nga ṅwambo wa thaidzo dza zwa masheleni."
U bva tsheetsho, o bvela phanḓa na u ḓi gudisa nga ene muṋe nahone o ṱaṱisana kha mbambe dzine dza swika kha 15 dza Comrades Marathon u swika zwino.