Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Kha litambwa ḽa Phalaphala FM Ndiyo Mini Yeneyi, mutambi Ndivhuho Paullet Tshishonga u tamba tshipiḓa tsha mufumakadzi wa u fhura ane a vha na lufuno lwa lufuno na malume na mukomana wawe. Naho zwo ralo, vhutshiloni ha vhukuma, mutambi wa matambwa wa miṅwaha ya 41, a ḓivhiwaho vhukuma sa Arehone kha litambwa ndi muḓivhi a re na mikhwa, a fulufhedzeaho na a ḓiṱukufhadzaho.
Mutambi wa matambwa ane a ḓivhea u bva kha ḽa Vleifontein uri izwi ndi muloro muhulwane, a tshi shuma nga maanḓa u itela u swikelela tshipikwa tshawe tsha u bvelela kha zwikirini zwa thelevishini. U swika zwino, o shumisana na nnḓu dzo vhalaho dza u bveledza, dzine a tenda uri dzo vhea mutheo wo khwaṱhaho wa muloro wawe wa lwa tshifhinga tshilapfu.
Lufuno lwawe kha vhutsila ha u sika lwo thoma nga miṅwaha yawe ya musi a tshe tshikoloni. "Ndo aluwa ndi tshi vhala bugu dza Tshivenḓa na dza Luisimane, nga maanḓa bugu dza ḓirama. Nga murahu ha tshifhinga, lufuno lwanga lwo ḓou aluwa, nahone nda thoma u funa u tamba, u nṋea nḓila ya u swikelela muloro wanga. Nga murahu ha u ita maṱiriki, ndo bvela phanḓa na u guda ḓirama ya tshiṱeidzhi ngei Pretoria State Theatre. Ndo ḓivhadzwa nga ha zwibveledzwa zwo vhalaho musi ndi sa athu dzhena kha radio. Ndo dovha nda vha na tshifhinga na u Bveledza halitambwa la Ladymash ngei Polokwane," a amba ngauralo.
Vhukati ha 2011 na 2018, o engedza kavhili sa muvhali wa mafhungo wa Makhado FM phanḓa ha musi a tshi pfulutshela Phalaphala FM nga 2019, he a vha muṅwe wa vhabvumbedzwa vha ḓivheaho vha litambwa. O ri: "ḽiga lithihi nga tshifhinga tshithihi, ndi khou gonya ḽeri ya u bvelela."
Arehone o kovha uri u ḓo takala vhukuma musi a tshi ḓivhona kha thelevishini ḽiṅwe ḓuvha. "Zwa zwino, ndi khou guda zwinwe na u ḓiḓowedza u tamba kha luvhanḓe, Mulugisi Art Project, ine ya ḓo thoma u sumbedzwa lwa u thoma Holoni ya Ḓorobo ya Thohoyandou nga ḽa 15 Ṱhafamuhwe. Hezwi ndi zwiṅwe zwa zwithu zwa ndeme kha mushumo wanga, nahone lutamo lwanga ndi lwa uri lu shandukiswe lwa litambwa," a amba izwo.
O dovha a humbudza vhafuni uri mubvumbedzwa wawe wa Ndi Yone Mini Yeneyi ha sumbedzi zwine avha zwone kha vhutshilo ha vhukuma ha ḓuvha linwe na ḽiṅwe. "Ndi mushumo fhedzi. Kha vhutshilo ha vhukuma, ndi muthu a fulufhedzeaho vhukuma ane a nga si vhuye a fhura munwe muthu," a amba.