Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Ralunako, Ndivhuwo Mukumela, wa minwaha ya fumi malo u bva kha kusi kwa Mpheni Block A oḓi imisela u vhuya na tshiphuga tsha uvha Miss Elegance Limpopo. Mushumo uyu wamutatisano uḓo farwa Library Gardens ya Bulugwane nga ḽa furaru Khubvumedzi ṅwaha-uno.
Ndivhuwo o nangwa uvha munwa wa vhe vha rathela kha luṱa lwa vha fumiina ṅwedzi wo fhiraho, hone zwa zwino oḓi lugisela u sumbedzisa vhukoni hawe ho khetheaho nga ḓuvha ḽa mutatisano. "Ndo lindela ḓuvha ḽa muṱaṱisano nga mafulufulu. Ndi takala uri u wina hanga huḓo nthusa khau ḓisa tshanduko dzavhuḓi matshiloni a vhanzhi," a amba
Ndivhuwo ndi musidzana ane ndi kale ana lufuno lwa uvha nyalunako, o novha Miss Gateway First Princess, Miss Elim na Miss Face of Makhado. Ndivhuwo uri ubva vhuṱukuni hawe, ovha na muḽoro wau dzhenelela miṱaṱisano ya vhonyalunako nau shumisa tshikhala tsha uvha nyalunako u ḓisa tshanduko muvhunduni wahawe, zwine ari vhatevheli vhawe vha zwi lavhelele khae arali a pfufhiwa uvha Miss Elegance Limpopo.
U tenda uri u wina hawe tshiphuga itshi zwi ḓo mu vulela mavothi kha ndowetshumo ya uvha nyalunako. "Ndo ḓi imisela u shuma nga mafulufulu, hone ndi fulufhela uri ndi ḓo kunda khaedu dzoṱhe dzine nda nga ṱangana nadzo, ndi ṱoḓa u sia tshihumbudzo tshine tsha ḓo ṱuṱuwedza vhanwe vhaswa kha nḓowetshumo ya uvha nyalunako," a amba.
Ndivho ya Ndivhuwo ndi u thusa vha shayaho, u ṱuṱuwedza vhathu nga pfunzo, u maanḓafhadza vhaswa, u amba ngaha nyimele dzine ra ṱangana nadzo matshiloni nau nea ipfi kha vhane vha kundelwa u ḓi ambela. "Lwendo lwanga lwovha lu songo leluwaho, fhedzi ndivho yanga yau ṱoḓa uvha Miss Afrika Tshipembe linwe la maḓuvha, zwo nṱuṱuwedza uri ndi songo nyama kha lwendo lwanga."