Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Ralunako wa minwaha ya fumi ṱahe, Engedzani Ndou a bvaho kusini kwa Dzimauli ane avha musidzanyana atshilaho na vhulwadze ha lukanda uri u khou fulufhela uri uḓo kunga maṱo a vhahaṱuli nga ḓuvha ḽa muṱaṱisano wa vho Ralunako vha vhanna na vha vhafumakadzi vhau tshila na vhulwadze ha lukanda. Miṱaṱisano uyo uḓo farwa nga Tshimedzi Ṅwaha-uno. Engedzani uri naho vhathu vha tshi sedzela vhathu vhau tshila na Albinism fhasi nga nwambo wa zwine vhavha zwone, ene uḓi vhudza uri u musidzanya o nakaho hone are na vhuḓifulufheli. Ḓuvha ḽa vhathu vhau tshila na lukanda lwa vhulwadze uvhu ḽo pembelwa nga Lavhuvhili ḽa fumi raru Fulwi, hu u dovha hafhu havha nḓila yau gudisa vhathu nga ha vhulwadze uvhu.
Atshi vhudziswa uri vhathu vha tshila nga nḓile-ḓe navho, uri kutshilele kwa vhathu kha vhathu vha vhatshilaho na vhulwadze ulu kwo no shanduka zwi tshi fanyiswa na misi ya kale. Naho huna vhathu vhane vhovha vha tshi dzulela uri vha vhathu vha songo fhelelaho, tshifhinga tsha zwino vha tshila navho khwine.
"Ndi na khaladzi mbili vhane navho vha tshila na vhulwadze uvhu, vhathu vhovha vha tshi dzulela u ri sea ri tshi aluwa, lune nga manwe a maḓuvha, ndovha ndi tshi ḓi honela ngomu lufherani ndi sa bvi ngau ofha u kolelwa nau vhidzwa nga madzina. Zwe zwavha zwi tshi mangaadza ndi uri na vhaaluwa vhovha vha tshi ri vhidza nga madzina asi a vhuḓi. Ndi dzulela u ofha sa muthu wau tshila na vhulwadze uvhu sa izwi ri tshi anzela u thubiwa nau vhulaiwi nga vhathu vha tshi ṱoḓa u ita zwiṱhavhelo nga rine. Ndovha ndi sa kholwi uri nga linwe ḽa maḓuvha ndi nga tshila fhethu hune nda pfa ndo tsireledzea, u ṱanganedzwa nau funiwa nga vhathu," a amba.
Vhutshilo ha Engedzani ho shanduka a tshi iswa nga tshikolo tsha St Augustine. Hafho ndi he a ṱanganedzwa nau ṱhonifhiwa nga vhagudiswa ngae na vhagudisi naho hovha na vhane vha mu tambudza ngauri u tshila na vhulwadze uvhu. Zwa zwino Engedzani u khou ṱhaphudza pfunzo dzawe dza B.Pharm kha gudedzi ḽa Yunivesithi ya Limpopo. Tshenzhemo yawe yunivesithi yomu ṱana kha zwikhala zwinzhi, hu tshi katelwa u vha tshipiḓa tsha miṱaṱisano ya vhoralunako. O novha na nḓivho kha zwiḓolo zwa lukanda, a dovha hafhu avha muṱuṱuwedzi kha vhanwe vhane vha tshila na Albinism uri vha shumise zwiḓolo zwa lukanda zwo fhambanaho.
Engedzani uri u ṱoḓa u pfesesa nga vhulwadze hone u ṱoḓa u amba nga zwe a ṱangana nazwo lwa minwaha. Uri ha ngaḓo fhumula atshi vhona vhathu vhau tshila na vhulwadze uvhu vha tshi farwa nga nḓila dzi sa ṱanganedzei. Engedzani uri u ṱoḓa u lwela pfanelo dza vhane vha tshila na vhulwadze uvhu nauri vha farwa u linga na vhanwe vhathu.
Vhane vha takalela u tikedza Engedzani, vhanga mu khetha ngau rumela ipfi "hi" kha nomboro yawe 060-6977993, uri vha wane u rumelwa huna vha khetha hone. U khetha ndi mahala.