Story by Thembi Siaga & translated by Khathutshelo Raliphaswa
Mutshudeni wa Univen ane avha Nduvho Madzivhanḓila ane a khou ita onasi, u khaḓi ḓirwa khana nga murahu hau imelela Afurika Tshipembe kha Mobile World Congress ya ṋaṅwaha ngei Barcelona, Spain, ye ya fareliwa Fira de Barcelona Gran Via u bva nga dzi 27 Luhuhi u swika dzi 2 Ṱhafamuhwe.
Nduvho wa minwaha ya 27, ane a dzula Lwamondo, ovha munwe wa vhaswa vha 45 vha u bva kha mashango a 30 u mona na ḽifhasi, hu tshi kateliwa Germany, Uganda na Colombia, vhe vha dzhenelela mushumo uyu. Vha GSMA Vhovha vhone vhadzudzanyi vha uyu mushumo wo tou livhanisiwa na sia ḽa zwa vhudavhidzani.
Nga ṅwaha wawe wau fhedza kha khoso yawe ya Bcom business information systems ṅwahoḽa, Nduvho o ḓou dzhenelela kha mbekanyomushumo ya Huawei Seeds for the Future (SFTF). O nangiwa ngakha vhushaka ha Univen na Huawei uri a imelele Afurika Tshipembe kha MWC. Vhurumiwa ha mbekanyomushumo ya SFTF ndi u khwaṱhisedza uri vhaswa vha shumise vhukoni havho u swikelela zwishumiswa zwo fanelaho u khwinifhadza ḽifhasi sa izwi zwithu zwi tshi khou shanduka hone nga luvhilo. Nduvho ndi munwe wa vhashumi vhane vha thusa matshudeni a Univen kha muhasho wa ICT.
Nduvho oḓi ṋaledza zwinzhi hone o shuma oḓi imisela uri a swike hune avha hone namusi. Kha nyambedzano ya ṱhingo na vha Limpopo Mirror, Nduvho o pfala ana munyanyuwo nga lwendo lwawe lwa u ya Spain. "Zwovha khuliso uvha tshipiḓa tsha mushumo uyu. Ndovha na tshifhinga tshi mvumvusaho. Rovha na tshikhala tsha u guda zwinzhi kha sia ḽa thekinolodzhi, vhunzhi hazwo zwo bveledziwa Huawei," Nduvha a amba.
Nduvho uri u takalela vhurangaphanḓa ha Univen nga uvha na lutendo khae. "Ndi zwavhuḓi uri yunivesithi yo tenda kha nne vha dovha hafhu vha nṋea tshikhala tshau imelela Afurika Tshipembe, na Univen nga u angaredza," a engedza.
Muhulwane wa ofisi ya zwa gwama Univen, Vho-Botwe Kraziya, vhari vha aḓi hudza ngau bveledza matshudeni a vhuiomo ha nṱha unga Nduvho.