Tshiṱori nga: "Community leaders". Ṱhalutshedza nga: Khathutshelo Raliphaswa.
Gudani Hazel Nemutavhanani wa minwaha ya fumbili ṱahe uri u ṱoḓa u vhona vhaswa, vha vhupo ha Vhembe vha tshi ḓi maanḓafhadza, vha tshi takutshedza vha ḓi imisa vha litsha u lindela muvhuso na vhoramabindu vha tshi vha nekedza zwine zwo salela. U fulufhela uri muḽoro wawe udo bvelela nga kha mushumo wawe wa Far North Youth Empowerment.
Muhumbulo wa u thoma tshiimiswa tshisa vhuedzi (NGO) tshine tsha lavhelesana na zwine zwa kwama vhaswa wo takutshedza nga ṅwaha wa gidimbili fumbilimbili Fulwi nge Nemutavhanani a vhona uri vhaswa vhanzhi vha shaya zwikili zwine zwa ṱoḓea khau khwinifhadza matshilo avho. "Sa izwi Fulwi hu ṅwedzi wa vhaswa, ri fanela u shuma ro ḓi imisela uri vhaswa vha ḓi lugisela vhumatshelo vhune vha ḓo ḓi imisa, zwihulu ri kha ikonomi ya zwino. Arali vhaswa vha wana thikhedzo yo teaho, zwia leluwa uri vha shele mulenzhe khau bveledzisa na alusa ikonomi ya shango ḽashu," amba.
Nemutavhanani ane abva Dzimauli, fhedzi zwino u dzula vhuponi ha Musina, uri tshiimiswa tsha Far North Youth Empowerment tshi thusa vhaswa nga uvha ṱanganya na u vha kovhelana nḓivho kha masia o fhambanaho uri vha kone udi maanḓafhadza. Tshiimiswa itshi tshi dovha hafhu tsha lavhelesana nau fhelisa udaha zwidzidzivhadzi zwakalulaho ha vhaswa na u fhungudza uvha vhabebi vhatshe vhaṱuku. "Arali vhaswa vha ḓi sikela mishumo, ri ḓo kona u lwa na vhushai nau bveledzisa matshilo ashu lwa khwine," a engedza.
Uvha na vhathu vhane vha ḓo mu tikedza khau bveledza muḽoro wawe zwi kou sumbedza u konḓa sa izwi vha sina ndambedzo na zwishumiswa zwo teaho. "Vhunzhi ha vhathu vhane nda shuma navho vha fhedzisela vho ṱuwa sa izwi vha sa holelwi kha mishumo ine vha ita. Inwe ya dzi khaedu dzine ndavha nadzo ndi uri a thina fhethu hau shumela, fhedzi ngauri ndi ṱoḓa uri ndi ḓise tshanduko matshiloni a vhaswa, a thi laṱeli thaula."
Nemutavhanani u humbela vhaswa na madzangano uri vha shume nae, vha nga mu kwama kha 076 155 2355 na kha WhatsApp. U dovha hafhu a wanala kha Facebook (Lezah Lee).