Nga murahu ha minwaha ya sumbe, muḽoro wa Vendaboy Poet wo wedza.

Ṱhalutshedzo nga: Khathutshelo Raliphaswa.

Muḽoro wa u renda luvhanḓeni musi hu tshi vulwa Phalamedene murendi Vendaboy Poet ane andovhw avha ramuzika, na murendi wau khoḓa nau hulisa Lutendo Evans Mugagadeli wo wedza vhege yo fhiraho. Lutendo u ḓivhiwa khwine nga ḽa Vendaboy Poet.

Vendaboy Poet are na aḽibamu dza sumbe na pfufho dza fumi-iṋa u vhonwa sa muṅwe wa vharendi vha khwine u mona na shango ḽa Afrika Tshipembe. O no renda kha vhuṱambo ha vhuṱhogwa hau fhambana fhedzi o ḓi dzulela uvha na lutamo lwa u renda phalamenndeni phanḓa ha miraḓo ya phalamannde na vhone muphuresidennde vha Afrika Tshipembe Vho Cyril Ramaphosa.

Muḽoro wawe wo ḓou wedza nga Lavhuṋa ḽa fumi-malo Fulwana, musi a tshi khethwa uri u ḓovha ene murendi wa khuliso nga tshifhinga tsha u vulwa ha phalamennde ngei Cape Town. Murendi uyu ane abva Hanthabalala nnḓa nyana ha Elim o ḓou takula phalamennde ubva kha i rotholaho uya kha ine ya tou dudela nga dzone khuwa na dakalo ubva kha miraḓo ya phalamennde nga tshirendo tshawe.

"Zwo ḓa nga tshifhinga tshone. Hure na vhahulisei vhaswa, dzulo ḽau thoma ḽa muvhuso wa vhusumbe fhasi ha muvhuso wa thanganelano wa vhuthihi (GNU), zwovha zwo khetheaho," hu amba Vendaboy Poet.

"Ni humbule zwauri ndi nga kha nyanḓadza mafhungo yeneyi he nda humbela u hulisa muphuresidennde washu Vho Cyril Matamela Ramaphosa musi vha tshi dzhena phalamenndeni, fhedzi tshikhala tsho mphira. Ndo tou kona u ṱangana na muphuresidennde nga zwifhinga zwa dzi nyendo, he nda vha hulisa. Ndo dovha hafhu nda wana tshikhala tsha u renda phanḓa havho nga tshifhinga tsha vhuṱambo fhala Ṱhohoyanḓou nga ṅwaha wa 2023. Lutamo lwanga ho ḓi dzulela uvha u renda luvhanḓeni lwa phalamenndeni," a amba.

Vendaboy Poet uri tshirendo tshawe tshovha tsho ḓi sendeka kha tshanduko, mulalo, zwikhala zwa mishumo, vhuthihi na fulufhelo. "Ndovha ndi sa athu u vhona muphuresidennde vho takala ngaurali. Nga nḓila ye miraḓo ya phalamennde vha takalela tshirendo tshanga, zwo takadza mbilu yanga hone ndi vhona zwi zwithu zwine zwa ḓo alusa buḓo ḽanga. Zwo anḓadza vhukoni hanga hone zwi ḓo alusa nḓila ine nda ḓi vhona ngayo sa murendi," a amba.