Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Ondwela Theophyllus Takalani ndi mutsila wa henefho ane a ḓivhelwa u ḓifulufhela na u ḓiimisela hawe. Zwa zwino u kha ḓi tou bva u ganḓisa thandela yawe ya u tou thoma kha lwendo lwawe, ine ya vhidziwa uri Mutsinda ndi khwine.
Takalani, u bva muvhunduni wa Masisi, u na digirii ya u thoma ya vhutsila kha ngudo dza nyanḓadzamafhungo u bva Yunivesithi ya Venda. O ṱalutshedza uri bugu yawe yo ṅwalwa nga Tshivenḓa tsho kunaho, hu si tshivhumbeo tsha kale kana tsho fhelelwaho nga tshifhinga. U tenda uri vharendi na vhaṅwali vha na mushumo wa ndeme kha u ita uri luambo lwavho lu dzule lu tshi khou tshila. O ri: "Ndo limuwa zwauri luambo lwashu lu khou ngalangala, lu milwa nga u shumiswa ha Luisimane lwa ḓuvha na ḓuvha lunzhi-lunzhi." "Zwo ntshuwisa u vhona luambo lwashu lu tshi khou ṋoka sa tshifhango, ndi ngazwo ndo dzhia tsheo ya u vusa luambo lwa Tshivenḓa nga manwalo."
Thandela yawe ya nganea i anetshela nganea ya Vho Mashudu, mukololo muswa ane o xelelwa nga vhabebi vhawe vha tshee vhaṱuku. Malume wawe na khaladzi awe vho ita tshimbevha tsha u mu hanela vhuhosi hawe na ifa ḽawe, zwa mu kombetshedza uri a vhe na vhuleme. Naho zwo ralo, Mashudu u farelela kha lutendo luthihi: pfunzo ndi yone tshiga tsho teaho ya u vhuyedzedza vhuimo hawe ho teaho.
Takalani u vhona u fara maipfi apo na maidioma nga vhurendi sa vhuḓifhinduleli ha vhaṅwali. O dzula a tshi ḓiṱukufhadza nahone u tama u farwa sa muthu muṅwe na muṅwe. O ri: "Zwo dzhia tshifhinga uri muṱa wanga u nṱanganedze sa muṅwali."
Musi a tshee muswa, kanzhi Takalani o vha a tshi ya u zwima nahone o vha a tshi vhidzelela nga maanḓa ḓakani. Zwenezwi zwo ṱuṱuwedza maṅwalo awe. O ri: "Ndo lila nga u ṅwala hanga u itela u wana thandululo dza vhuleme he nda vha ndo sedzana naho." "Ndi tenda uri roṱhe ri a lingana. Vhathu vha fanela u bva vha ita luswayo vhutshiloni ngauri a hu na tshithu tshine tsha sa konadzee. Kanzhi ndi ṱoḓa vhathu uri vha vha ṱuṱuwedze uri vha khwinise," o engedza nga u ralo.
O ombedzela ndeme ya u shumisa vhukoni ha muthu ngeno a tshee muṱuku sa izwi zwi tshi vhumba mutheo wa vhumatshelo havhuḓi. "U ṅwala ndi vhukoni hanga ha mvelo, fhedzi u bvelela hanga hu bva kha u shuma nga maanḓa, u ḓiimisela, na mavhonele avhuḓi. Ndi ṱoḓa u sumbedza uri u bvelela a zwi ḓitiki nga hune na bva hone fhedzi - na vhupo ha mahayani vhu si na vhukoni vhu ngaho hanga - fhedzi kha u shumisa zwishumiswa zwine na vha nazwo."