Translated by Khathutshelo Raliphaswa
Milaedza na mivhigo kha zwileludzi zwa vhudavhidzani ha nnyi na nnyi zwi nau fhura. Vhadzulapo vha Tshixwadza kha ḽa Mutale vho akhamala vhukuma vha tshi vhona zwifanyiso zwe zwa dzhiiwa nga ḓuvha ḽa uḓi mvumvusa ḽa vhadzulapo minwaha miraru yo fhiraho zwo no anḓadziwa kha (Facebook) zwi tshi ṱanganyiwa na zwiito zwa u khethekana ha lushaka zwe zwa itea kha kusi kwa Lwomondo.
Tshifanyiso tshine vhathu vha khou phaḓaladza zwa zwino tshi khou vheiwa na ṱhoho yauri "ri khou pfa anea a uri vhadzulapo vha Lwomondo vha khou shakulisa vhabvannḓa vha bvaho kha ḽa Zimbabwe kha kusi kwavho".
Ḓuvha iḽo ḽa uḓi mvumvusa ngau tshimbila kha vhadzulapo vha Tshixwadza ḽo vha nga dzi 30 Nyendavhusiku zwa anḓadziwa kha gurannḓa ya Limpopo Mirror nga dzi 18 Phando 2020 ("Together We Can Grow Fun Run/Walk"). Vho Dovhani Mudzielwana, vhe vha dzudzanya uyo mushumo, vhari mushumo uyu wo kona u ṱuṱuwedza vhuthihi nau farana kha vhadzulapo, zwa ṱuṱuwedza u ṱhogomela mutakalo wau nga dzi nyonyoloso, hone tsha vhuṱhogwa, nyambedzano na vhutshilo vhure na mvelaphanḓa. Hezwi, Vho Mudzielwana vho amba fhezi zwa vho shandukisiwa uvha nga nḓila isi ya vhuḓi hone ine ya ṱanganyiwa na zwiito zwau khathekanya uya nga lushaka.
"Ro vhona tshifanyiso tshi tshi khou shumisiwa nga nḓila ya vhufhura kha zwileludzi zwa vhudavhidzani zwi tshi konana na zwo iteaho Lwamondo, he vhathu vha vha vha khou shakulisa vhabvannḓa. Sa vhadzulapo vha Tshixwadza na vhadzudzanyi vha mushumo uyu wa uḓi mvumvusa ngau tshimbila, ri ṱuṱuwedza u tshilisana nga tshashu. Ri ḓi sendedza kule na zwiito zwo iteaho Lwamondo hone ri humbela uri vhathu vha litshe u anḓadza tshifanyiso tshashu nga nḓila isi yone. Ri humbela uri vhoṱhe vho anḓadzaho itsho tshifanyiso vha tshi phumule kha masiaṱari avho. Ri dovha hafhu ra eletshedza uri u shumisa ha tshifanyiso itshi a zwiho mulayoni hone maga o fanelaho aḓo dzhiiwa kha muthu munwe na munwe ane a anḓadza tshifanyiso itshi nga nḓila ya vhufhura", vha amba izwo.