Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Nikiwe Makondo wa minwaha ya fumiṱahe u bva kusini kwa Green Farm, Malamulele, o nangwa u imelela Afrika Tshipembe kha muṱaṱisano wa vhoralunako wa Miss Intercontinental wa ṅwaha wa 2023. O nangwa kha vhuṱambo he ha farelwa Gold Reef City Lyric Theatre nga Sondaha ya ḽa ṱahe Fulwane. U ḓo imelela Afrika Tshipembe ngei Igipita nga Tshimedzi ṅwaha-uno.
Makondo u dovha hafhu avha ralunako we abva kha vhuimo ha vhuvhili kha muṱaṱisano wa Miss Teenager wa Afrika Tshipembe wa ṅwaha wa gidimbili fumbilimbili, na uvha muṅwe wa vha khwine kha muṱaṱisano wa Miss Tembisa wa ṅwaha wa gidimbili fumbilithihi. U bva hawe kha lushaka lune alu fani na vhanwe na vhufa ha sialala yavho, Makondo uri u fulufhela uri u ḓo ḓisa mbonelo ya khwine kha muṱaṱisano uyu.
Kha nyambedzano yawe na vha nyanḓadza mafhungo ya Limpopo Mirror nga ha lwendo lwawe kha muṱaṱisano uyu, uri lwendo lwawe lwo ṱuṱuwedzwa nga zwithu zwinzhi hone u na vhuḓifulufheli uri u ḓo kunda kha muṱaṱisano uyu. "Ndi pfa ndo hulisea nga thikhedzo ine vhathu vha nṋea yone. Ndi tenda uri zwine zwa nkhethekana na vhanwe ndi u pfesesa hanga vhudzivha ha zwine zwa itea kha nḓowetshumo yashu. Ndi ṱoḓa u ṱuṱuwedza vhasidzana vha lushaka lwa Vatsonga uri miḽoro yavho ndi ya ndeme. Ndi ṱoḓa hafhu uvha muimeleli wa mitakalo ya mihumbulo ya vhathu," a amba.
Makondo u kha ṅwaha wawe wa u fhedza kha u gudela vhushaka hau mona na ḽifhasi kha Yunivesithi ya Pretoria. U tenda kha u shandukisa, u ṱuṱuwedza nau maanḓafhadza vhathu nga kha miṱaṱisano ya vhoralunako. Uri u ṱuṱuwedzwa nga ralunako wa kale Bokang Montjane-Tshabalala, we a wina kha uvha Miss Afrika Tshipembe nga ṅwaha wa gidimbili fumi na mulangi wa muṱaṱisano wa Miss Intercontinental wa Afrika Tshipembe.
O wana milaedza ya u fhululedzwa ubva kha vhadzulapo vha muvhunduni wawe, hu tshi katelwa na u khoḓiwa nga neḓorobo wa masipala wa Collins Chabane, Vho-Shadrack Maluleke. "Makondo u touvha ṱhuṱhuwedzo kha vhaswa vhanzhi hone ri takalela uri a songo nyama kha miḽoro yawe," vha amba vho neḓorobo.