Zwa vhu mbvumbvusa. Ṱhalutshedzo nga Khathutshelo Raliphaswa.
Tshivenda tshine tsha ḓivhea tshi tshi khou sumbedza zwauri "ipfi ḽa mufu a ḽi phukwi - u ṱalutshedzelwa nga nḓila yo vhofholowaho sa "u sa vhuya wa nyadza ndayo i bvaho kha mufu" - zwi khou sumbedza u vha ngoho kha Nnzekiseni Cedrick Mathoho wa muvhundu wa Tshiombo, nnḓa nyana ha ḓorobo ya Thohoyandou.
Nnzekiseni ndi murwa wa muvulanḓila wa mbila, Vhavenda Vho Kanakana Jutas Mathoho, vhe vha vha vha tshi divhea vhukuma sa Vho JK Mathoho. Musi vha sa athu lovha, Vho JK vho laedza uri mbila yavho i ṋewe Nnzekiseni, uri ifa ḽavho ḽa muzika ḽi kone u tshila zwino u vhuya u swika na kha mirafho i tevhelaho.
Nga murahu ha miṅwedzi ya rathi nga murahu ha u lovha ha khotsi awe, Nnzekiseni o ḓou hulisa lutamo lwonolwo. Mulimi nauvha mufunzi, o ḓiṋea tshifhinga tsha u ita mishumo yawe yo fhamba-fhambanaho na u ḓadzisa khumbelo ya khotsi awe vho lovhaho . Musi mbila i fanaho i tshi tamba nga Vho JK, Vho-Nnzekiseni vhege yo fhiraho vho bvisa mutambo wavho wa u thoma wo engedzwaho (EP), ine ya vhidzwaho MaAfrika.
Musi vha tshi khou amba na vha nyanḓadzamafhungo ya Limpopo Mirror, Nnzekiseni o ri: "Khotsi anga vho vhudza muṅwe na muṅwe muṱani uri ndi fanela u vhulunga mbila dzavho musi vha tshi lovha nahone ndi fanela u bvela phanḓa ndi tshi ṱuṱuwedza ifa ḽavho. U bva tsheetsho, muhumbulo uyu u ṱuṱuwedzaho muhumbulo a wo ngo vhuya wa bva muhumbuloni wanga ngauri ndo vha ndi tshi fanela u bveledza zwine mukalaha vha ṱoḓa ndi tshi zwi ita. Zwino ngauri ndo no ḓadzisa lutamo lwavho, ndi na vhungoho ha uri zwino vha khou takala hanefho hune vha vha hone."
Musi a tshi vhudziswa arali o vha e mutambi wa mbila a re na vhutsila lwa tshifhinga tshilapfu, o fhindula a ri: "Ndo vha ndi tshi tamba nga zwiṅwe zwifhinga, fhedzi musi vha tshi amba uri ndi fanela u dzula ndi na mbila dzavho musi vha tshi lovha, ndo vha ndi tshi vha na vhuḓipfi vhuhulwane vhukuma nahone nda ḓiḓowedza, ndi tshi lidza tshenetshi tshishumiswa tshi re na maanḓa ḓuvha ḽiṅwe na ḽiṅwe. Khotsi anga vho vha vho takala vhukuma nga vhutsila hanga ha u tamba nga u tamba nahone vho bvela phanḓa vha tshi nṱuṱuwedza uri ndi shume nga maanḓa. Ngauralo, ṋamusi, ndo vha ndi tshi ḓihudza, naho vho no fhira fhano shangoni."
Nga ha EP ntswa o ri: "MaAfrika i na zwililo zwiṋa zwe zwa vha zwo no kombetshedza vhafuni vha muzika wa sialala uri vha vhee zwienda zwavho zwa u tshina. Dzi nyimbo dza EP ndi MaAfrika, Tshilidzi, Zwi Ben 10 na Tshikona. Ndo ḓiṋea tshifhinga tsho eḓanaho tsha u lugisela nyimbo idzi, u itela uri ndi kone u takadza muṅwe na muṅwe ane a funa muzika wa sialala wa Tshivenḓa hone ane a ḓou thetshelesa EP yanga."
Yo rekhodiwa na u vha na vhukoni kha ḽa Tshau Studios kha ḽa Tshaulu, dzi nyimbo dzoṱhe dzi re kha EP dzo vha dzo vhumbwa nga Nnzekiseni nahone dzo bveledzwa nga mubveledzi wa muzika a ḓivheaho vhukuma ane avha Ishy Malala.