Tshiṱori nga: Thembi Siaga. Ṱhalutshedzo na: Khathutshelo Raliphaswa.
Murendi, muṅwali na muambeli wa luambo Masingita Shibambu, ane vhafuni na vhatevheli vha mu ḓivhea nga Ntombi Ya Mutsonga, ovha na mushumo wawe wau thoma une wa ḓovha wa ṅwaha na ṅwaha wa Indigeneous Language Champ Awards (ILCA) nga Lavhuṱanu ḽa Malamulele Community Hall, fumi rathi Fulwi. Mushumo uyo wo lambedzwa nga vha Old Mutual.
Pfufho idzi dzovha dzi dzau pembelela nyambo na u ṱanḓavhuwa ha sialala. Vhathu vha swikaho maḓana maṋa, hu tshi katelwa na Hosi Shilungwa Mhingi ubva kusini kwa Mhinga.
Ntombhi Ya Mutsonga ane avha muwani wa Ntombhi Ya Mutsonga Foundation, uri ndi zwa vhuṱhogwa u vhulunga nau pembela nyambo dza Afrika. "U fara mishumo yo raliho ndiu itela uri muthu munwe na munwe avhe na fhethu hau fara nyambedzano na vhanwe nga hau vhulunga nyambo dzashu dza ḓamuni. Ha farwa dzi nyambedzano nga hau vhulunga nyambo dzashu dza Afrika, ria kona u vhona thaidzo dzine shango ḽashu ḽa ṱangana nadzo," a amba.
Zwikolo zwe zwavha zwo dzhenelela muṱaṱisano uyu ndi zwikolo zwi ngaho tshikolo tsha nṱha tsha Shikudu High, tshikolo tsha nṱha tsha EPP Mhinga, na zwinwe zwinzhi. Vhe vha wina sa vha khwine kha vhau peleṱa nga nyambo ya ḓamuni ndi Kurisani Makondo na Gavaza Maswanganyi, vhe vha vhafhenyi kha vhurendi ha nyambo ya ḓamuni ndi Kuhluka Baloyi na Tshamisekani Hlungwani, ngeno vhe vha kunda sa vhavhali vha nyambo ya ḓamuni hu Michele Chauke na Nyowela Nyoni.
Vhe vha fhenya vho pfufhiwa nga dzi ṱhirofi tsha tshipentshele hu tshi huliswa ḽidzhakanḓila vha muzika wa Xitsonga, Vho-HW Makhubela vha minwaha ya fuṱahe. Vho-Makhubela vho bebwa Hlengani Makhubele, ngau livhuwa mishumo yavho kha nḓowetshumo ya muzika. Vhovha vha khou huliswa lwau tou thoma tshe vha serela kha nḓowetshumo ya muzika.
Pfufho hedzi dzo dovha hafhu dzavha dzau livhuwa vhagudisi vha vhagudiswa vha nyambo dza ḓamuni.