Ṱhalutshedzo nga Khathutshelo Raliphaswa.
Nga ṅwedzi wa Ṱhafamuhwe 2020, Limpopo Mirror yovha kha fulo ḽau ṱoḓana na u pfa ramuzika wa reggae ane a ḓivhea vhukuma, Ntshenge and the Jah Live. Tshigwada tsho fhedzisela u vhonala tshi khou mbvumbvusa vhathu nga ḓuvha ḽa mushumo wa tshihumbudzo wa lidzhakanḓila kha muzika wa reggae Colbert Muthude, ine ya ḓivhiwa khwine sa Jahman Chiganja, nga Luhuhi 2018.
Musi ri tshi tevhela murangaphanḓa wa tshigwada, Ntshengedzeni Nthungeni, o thudzela kule mavharivhari a u ngalangala hawe nahone a khwaṱhisedza vhavhali uri u kha ḓi tshila nahone o takala, hu sa londwi u sa shuma ha tshigwada. O dzumbulula uri vha khou shuma vhukuma uri vha ḓou kona u ḓisela vhathu zwithu zwiswa.
Nga Ḽavhuvhili ḽo fhiraho, tshigwada tsho fhelisa u fhumula hatsho nahone tsha bvisa aḽibamu ya EP ya nyimbo ṱhanu ine ya pfi Fishermen - mvelele yavho ntswa ya u thoma nga murahu ha miṅwaha ya 17.
EP yo rekhodiwa, yo ṱangana na u vha na vhutsila ngei Downtown Music Hub ngei Johannesburg, studio tshi re na ḓivhazwakale yo pfumaho ya u shuma na vhatsila vha Afrika Tshipembe vha ḓivheaho na dzibennde dzi ngaho Stimela, Harare, Joseph Shabalala na Ladysmith Black Mambazo, Ducks Dube, Vhahashu vha Soul, Mbongeni Ngema na Sipho "Hotstix" Mabusa.
EP i na zwiporo zwa reggae zwa u thoma zwi ngaho Back Bitters, Mini Kana Mini, Women and Children, Stepping Stone and Fruitless Trees. Nyimbo idzi ndi vhuṱanzi ha u bvelela ha tshigwada na u vhibva nga murahu ha tshifhinga tsha u awela tsha miṅwaha ya 17 - tshifhinga tshe, nṱhani ha u vha tsho xela, tsho vha tendela u lugisela ṱhoḓea dza nḓowetshumo ya muzika ine ya dzulela u shanduka.
Kha nyambedzano na Limpopo Mirror, murangaphanḓa wa tshigwada, Vho Ntshengedzeni Nthungeni vha bvaho Tshaulu Habegwa Tshiumoni nnḓa ha Thohoyandou, vho amba uri: "Miṅwaha ya 17 yo fhiraho, luṱingo lwanga lwo vha lu tshi lila ḓuvha ḽiṅwe na ḽiṅwe nga dzi ṱhingo dzi bvaho kha vhafuni vhashu vha tshi khou humbela u vhuya hashu. Zwino musi tshifhinga tsho tea, ri ḓo amba zwiṱuku nahone ra tendela muzika washu u tshi khou ri ambela. Ro vhuya zwino nahone ro ḓiimisela u dzhia buḽoko nga hune ra nga kona. Muzika ndi reggae ya kale na kale yo kunaho ine ya ḓo isa vhafuni vhatikedzi vhashu kha vhuimo ha nṱha."
Musi a tshi vhudziswa uri ndi ngani EP yo ṋetshedzwa dzina ḽa Fishermen, naho hu si na nḓila ine dzina ḽeneḽo ḽa vha naḽo, o fhindula nga u ṱavhanya: "Imani tshifhinganyana. Hezwi zwi kha ḓi vha tshiphiri. Ri kha ḓi vhuyelela tshitudio tshifhingani tshi ḓaho u itela u rekhoda nyimbo ṱhanu dzo engedzwaho u itela uri i vhe alibamu yo fhelelaho. Nga tshenetsho tshifhinga, ri khou dzudzanya mitambo i tshi khou bvelela u mona na shango na kha maṅwe mashango a Afrika u itela u ṱuṱuwedza tshifhiwa tshashu tshiswa."
Ntshenge na Jah Live vho bvelela kha bvumo nga 1999 nga u bviswa ha aḽibamu yavho ya u thoma, Legalized Crime, ye ya vha i na luimbo lwa u rwa lwa Tsho nnnambatela. Aḽibamu yavho ya vhuvhili, Cornerstone, yo tevhela nga 2006.