Tshiṱori nga: Maanda Bele. Ṱhalutshedzo nga: Khathutshelo Raliphaswa.
Ralunako na mubveledzi wa fesheni, Pfariso Tshivhenga ane a ḓivhea khwine nga ḽa Pedrossa, u bva ngei kusini kwa Ha-Matidza o nangwa uvha munwe wa vha fumimbili vha khwine kha muṱaṱisno wa vhoralunako wa Universal Queen wa Afrika Tshipembe. Pedrossa o nangwa e eṱhe u bva kha vunḓu ḽa Limpopo.
Muṱaṱisano uyo uḓo farwa nga ḽa fumimbili Thangule ṅwaha-uno ngei ḓoroboni ya Mogale City vunḓuni ḽa Gauteng. Kha muṱaṱisano uyo hu ḓo khethwa vho ralunako kha zwiphuga zwiṱanu zwine zwavha; Univesal Queen Afrika Tshipembe, o bvaho vhuimo ha vhuvhili, o bvaho vhuimo ha vhuraru, muthusa tshitshavha na ane aḓo nangwa nga tshitshavha.
Pedrossa u fanela u shuma mishumo ya tshitshavha isa vhuedzi nau kuvhangana masheleni nga ḓuvha ḽa vhubindudzi nga ḽa fumirathi Fulwi. "U swika zwino ndi khou shuma zwavhuḓi vhukuma. Khaedu yanga zwa zwino ndi uri ndi tea u kuvhangana masheleni a swikaho zwigidi zwivhili zwa dzi rannda nga ḽa fumirathi Fulwi," a amba.
Pedrossa o serela kha nḓowetshumo ya vhoralunako nga ṅwaha wa gidimbili fumiṱhanu, u bva kha ṅwaha uyo ono wina zwiphuga zwa tshivhalo zwi katelaho uvha Miss Judaroeis wa vunḓu ḽa Limpopo ṅwaha wonoyo wa gidimbili fumiṱhanu, uvha Miss Vhavenda nga ṅwaha wa gidimbili sumbe, avha kha vhuimo ha vhuraru kha Miss Venda Beauty and Culture ṅwaha wa gidimbili sumbe, avha Epress SA Royal princess nga gidimbili sumbe a dovha hafhu abva kha vhuimo ha vhuvhili kha Miss Thulamela nga ṅwaha wa gidimbili sumbe.
"Miṱaṱisano yaurali ndi ine ya maanḓafhadza vhaswa na uvha ṋea tshikhala tshau dzhenelela kha mishumo ine ya thusa vhanwe vhathu khwine. Uvha ralunako zwia nthusa uri ndi ṱuṱuwedze vhanwe vhathu nga nḓila dza khwine nga zwine ndavha ndikhou shuma. Ndo no guda zwinzhi kha nḓowetshumo iyi, hone ndo guda nauri athi faneli uḓi tsikeledza," a amba.
Ane anga takalela u lambela kana u renga thikhithi dza mushumo wa vhubindudzi anga kwama Pedross kha nomboro dza 079 869 1447.