Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
U vulwa hafhu ha tshiṱitshi tsha mapholisa tsha saṱhelaithi ngei Phiphidi, nnḓa nyanaha Thohoyandou, zwo ḓisa u femuluwa muvhunduni uyu une wo ḓala vhutshinyi.
Muvhundu wo vha u na tshiṱitshi tsha mapholisa tsha saṱhelaithi tshe tsha ita uri zwi lelutshele vhadzulapo u vhiga milandu na u ita mishumo ya mutheo i ngaho afidavithi. Fhedzi miṅwahani yo fhiraho, ho ḓou swika kha u fhiswa. U bva tsheetsho, vhadzulapo vho tea u ya Tshiṱitshini tsha Mapholisa tsha Thohoyandou kule u itela u wana idzo tshumelo.
Zwa zwino ndi ḓivhazwakale.
Nga Mugivhela, ḽa 18 Shundunthule, tshifhinga tshiswa tsho ṱavhela musi Vhembe SAPS's ya nṱha na vhurangaphanḓa ha sialala ndeme, tshitshavha, vharangaphanḓa vha mvelele na miraḓo minzhi ya tshitshavha vha tshi vhona u vulwa ha tshiofisi ha ofisi "ntswa" ya mapholisa ya saṱhelaithi afho Phiphidi.
Muambeli wa SAPS wa Limpopo Vho Sgt Manala Maphure vhari vhurangeli ho vvhona vhuḓidini ha tshumisano vhukati ha SAPS na tshitshavha tsha Phiphidi, na vhadzulapo vhapo na vhaṋe vha mabindu vha tshi khou ṋetshedza zwishumiswa zwavho nga u ḓifunela u itela u vusuludza tshifhaṱo tsha kale tsha tshikolo uri tshi shumiswe sa ofisi ya saṱhelaithi. "Miraḓo ya tshitshavha yo shela mulenzhe kha mishumo ya u kunakisa, u pennda, na u lugisa mafasiṱere o pwasheaho u itela u vhona uri tshifhaṱo tshi swikelela zwilinganyo zwa tsireledzo," vho ralo.
Musi vha tshi khou amba nga tshifhinga tsha u vula lwa tshiofisi, Vho Brig Simon Mukwevho, mukhomishinari wa tshiṱitshi ngei Tshiṱitshini tsha Mapholisa tsha Thohoyandou, vho ṱalusa vhukando sa nḓila khulwane kha u lwa na vhutshinyi.
"Ofisi iyi ya saṱhelaithi i sumbedza zwine zwa nga swikelelwa musi mapholisa na zwitshavha vha tshi shumisana kha tshipikwa tshi fanaho tsha u khwinisa tsireledzo ya tshitshavha. U thomiwa ha tshiimiswa itshi zwi ḓo khwinisa vhukuma zwifhinga zwa u fhindula zwa mapholisa na nḓisedzo ya tshumelo ngei Phiphidi na zwisi zwa tsini zwo ṱanganaho na henefho," vha amba.
Murangaphanda wa tshitshavha Vho Naledzani Mulelu vho khoḓa mapholisa nge vha thetshelesa khumbelo yavho ya miṅwaha.
"Samusi ofisi yashu ya saṱhelaithi yo vha yo fhiswa miṅwahani yo fhiraho, a ro ngo vhuya ra vha na mulalo. Ngauralo vhathu vhanzhi vho vhulahwa na vhuṅwe vhutshinyi vhunzhi vhu ngaho u u ṱangulwa miḓini na u vha nau ṱangulwa ha vhathu dzi badani, vhukati ha zwiṅwe, hovha na maitele a ḓuvha ḽiṅwe na ḽiṅwe. Nga ofisi ntswa ya saṱhelaithi fhano, ri na fulufhelo ḽihulwane ḽa uri hu ḓo vha na u fhungudzea ha vhutshinyi. Ri dovha ra livhuwa vhukando uhu sa izwi ri sa tsha ḓo tea u tshimbila uya kule u wana tshumelo. Hezwi a zwi nga ḓo ri thusa fhedzi fhedzi zwi ḓo dovha zwa dzhena nga nḓila i thusa ambiwa.
Sa maga a tshifhinganyana, tshiendedzi tsha senthara ya tshumelo ya tshitshavha tsha themamveledziso ya themamveledziso tshi ḓo rumelwa ofisini ya saṱhelaithi ḓuvha ḽiṅwe na ḽiṅwe nga tshifhinga tsha mushumo u itela u ṋetshedza tshumelo dza ndeme dza mapholisa, ngeno themamveledziso ya tshoṱhe ya maḓi na muḓagasi i tshi khou thomiwa.