Tshiṱori nga: Kaizer Nengovhela. Thalutshedzo nga: Khathutshelo Raliphaswa.
Nga murahu hau guda nau sedzulusa ḓivhazwakale ya lushaka lwa hawe, Quibell Ramantswana o anḓadza bugu yawe yau thoma ine ya vhidzwa Ha-Phamba, dzina iḽi ndi dzina ḽa khole-khole ḽa muṱa wa hawe wa ha Ramantswana. Ramantswana ndi tshifani tshi ḓivheaho kha lushaka lwa Vhavenḓa na kha dzinwe tshaka Afrika Tshipembe.
Ramantswana o bebwa Luvhalani, a dzhena tshikolo tsha fhasi tsha Malema na tshikolo tsha nṱha tsha George Mbulaheni he a ṱhaphudza pfunzo dzawe aya u gudela zwa uvha ramafhungo ngei England. O fhedza minwaha i swikaho ya fumi a United Kingdom a tshi khou shuma zwa uvha ramafhungo wa dzi bugu na magurannḓa. Lwa minwaha miṱanu a ngei United Kingdom, o shuma kha tshiṱitshi tsha radio, Future Radio, ire Norwich, vhubvaḓuvha ha Anglia, he avha mubveledzi na muhashi.
O nangwa sa mulidzi wa radio wa ṅwaha a bvaho Afrika Tshipembe nga ṅwaha wa gidimbili fumiraru kha pfufho dza vho bvelelaho vha Afrika Tshipembe ngei UK (SAAA), zwi tshi tevhela u bvelela hawe sa muhashi wa radio.
Ramantswana o gudela na zwa matambwa a ngei Norwich. Zwenezwo a mutshudeni, vha Voice Norwich ya BBC vho mu humbela u anḓadza rekhoda nga ha tsumbavhune hawe. Rekhodo iyi yo swikelela uvha kha dza fumi dza khwine kha rekhodo dzi paḓaho dza ḓanafuṱhanu dze dza ḓiswa.
O vhuya Afrika Tshipembe nga ṅwaha wa gidimbili fumiraru, ubva ṅwaha uyo, ono anḓadza zwibveledzwa zwa tshivhalo. Nga ṅwaha wa gidimbili fumisumbe o tamba ḽitamba ḽi ḓivheaho, Muvhango kha SABC 2, a tshi tamba sa Matodzi.
Bugu ya Ramantswana i na zwipiḓa zwivhili: ḓivhazwakale ya muṱa na mutevhe wa muṱa. "Vho makhulukuku washu vha bva Botswana, vho ḓa fhano Venda nga minwaha ya maḓana a fumimalo. I amba nga ha lwendo lwavho, na nḓila ye vha shela mulenzhe kha dzi nndwa dze dza itea Venḓa na Afrika Tshipembe ngau angaredza."
Hu ambwa nga mirafho ya rathi na miraḓo ya muṱa i swikaho gidi nga nomboro, husa katelwi vhane a vhaho. Munwali o amba izwi musi atshi ya kha maguvhangano a muṱa o fhambana."Ndi anzela u pfa ḓivhazwakale kha vho makhulu ashu, sa izwi rine vhaṱuku ri sina nḓivho yazwo, mashudu mavhi zwovha zwi tshi fhelela hanefho. Ndo tevhela nau rekhoda ḓivhazwakale ya lushaka lwashu uri ndi ṱuṱuwedze miṅwe miṱa uri navho vha ite ngauralo," u amba.
"Zwa vhuṱhogwa, murafho u tevhelaho u ḓo konou wana tsumbavhune havho. Muṱa munwe na munwe una ḓivhazwakale na mutevhe wawo. U rekhoda ḓivhazwakala ya muṱa wa hau ndi zwa vhuṱhogwa".