Tshiṱori nga: Kaizer Nengovhela. Ṱhalutshedzo: Khathutshelo Raliphaswa.
Nḓila dza u ḓi unḓa musalauno dzi bva kha zwinzhi, unga kha Selby Khakhu, wa minwaha ya fumi malo u bva Khomele vhuponi ha Nzhelele, zwa uvha rabulasi azwi thusi u ḓi unḓa na u ṱhogomela muṱa wa hawe fhedzi, u dovha hafhu avha ṱhuṱhuwedzo kha vhanzhi vhaswa kusini kwa hawe. Uvha rabulasi ha Selby zwi ṋea fulufhelo kha vhaswa vhane avha shumi na vhane vho laṱa fulufhelo khau wana mishumo.
Naho e mugudiswa wa tshikolo tsha nṱha tsha Masereni ngei Khomele kha murole wa vhuṱahe, Selby u dovha hafhu avha rabulasi ane a ṱhogomela zwifuwo zwawe zwine zwavha dzi khuhu,dzasialala, na dzi kholomo. Selby uri lwendo lwawe lwa uvha rabulais asi lwendo lwe lwavha lwo leluwa. Nga ṅwaha wa gidimbili fumiṱahe, e na minwaha ya fumiraru, o thoma e na khuhu mbili fhedzi. Nga u konḓelela, u ḓi nekedzela na u shuma oḓi imisela, o novha na bulasi yawe ya dzi khuhu na dzi kholomo nga murahu ha minwaha miṋa.
Selby o ṱangana na khaedu a tshi thoma mishumo yawe ya vhubulasi, sa izwi vhamusandu kusini uko vhovha vha tshi hana u mu ṋea mavu au shumela hone. Ngau ṱangana na khaedu iyo, o thoma mishumo yawe ya vhubulasi hayani, he a shumela hone u bveledzisa vhubulasi hawe.
Bindu ḽawe ḽo no aluwa lune zwa zwino una hoko mbili dza dzi khuhu, hone u kona u rengisa khuhu dzi swikaho dza maḓana mararu nga ṅwedzi muthihi. U dovha hafhu avha na kholomo dza mahumi mavhili. Selby, u livhuwa thikhedzo ine a i wana kha vhadzulapo. "Ndivho yanga ndi uri ndi kone u swikelela u sika mishumo miṱanu kha minwaha mivhili i ḓaho. Ndi dovha hafhu nda tama uvha na bulasi khulwane hune nda ḓo kona u shuma zwavhuḓi," a amba.
Selby u takalela u kunga vhathu uri vhavhe vharengi vha bindu ḽawe nau shandukisa vhutshilo hawe. U dovha hafhu a livhuwa thuso ine vhathu vha mu ṋea yone na vhorabulasi vhane vha mu ṱuṱuwedza kha mushumo wawe. Nḓila ine vhaswa vhanzhi vha ṱuṱuwedzea na u ṱoḓa u tevhedza nḓila dzawe ngayo zwi amu ṋea maanḓa na u mu ṱuṱuwedza uri a shume o ḓi imisela.