Tshiṱori nga: Elmon Tshikhudo. Thalutshedz nga: Khathutshelo Raliphaswa.
Nngodiseni Mulelu ane avha rabulasi ane akhadivha muswa ovha na nyambedzano na vha gurannḓa ya Limpopo Mirror hu saathu u takutshedza na mabembela ane vhathu vhavha nao nga ḽa fumi rathi Fulwi ṅwaha na ṅwaha. Mulelu wa minwaha ya fumbilimbili, ane a bva kusini kwa Phiphidi Shonisani, nnḓa ha Ṱhohoyandou, uri vhaswa vha Afrika Tshipembe vha ḓo shaya zwau pembele arali vha kundelwa u ḓi imisa na uḓi sikela mishumo vhone vhane. Muleleu ndi rabulasi ane avha na damu liṱuku la dzi khovhe a dovha hafhu a ṱavha miroho mavuni a khotsi awe.
"Vhunzhi ha vhaswa vho funzea vha na dzi ndalukanyo dza mabudo o fhambanaho fhedzi avha shumi. U shaya mishumo na thambulo kha vhaswa zwo no shanduka uvha nḓila ya vhutshilo kha vhunzhi ha vhaswa vha shango lashu. Ri ngasi bvele phanḓa ngaurali, hu fanela u itwa zwinwe. Vhumatshelo ha vhaswa vhu zwanḓani zwavho, fhedzi vhu ḓovha vhumatshelo havhuḓi arali vha thoma mabindu avho vha thola vhanwe vhaswa ngavho," amba.
Mulelu uri o aluwa e ṅwana are na nḓivho ya vhulimi. O aluwa atshi tevhela khotsiawe tsimuni, atshi edzisa mishumo ine vha ita tsimuni yavho. O thoma buḓo ḽawe ḽa vhulimu ngau ṱavha miroho, namusi, u rengisa zwibveledzwa zwawe zwine a ṱavha kha vhadzulapo ha kusi kwawe. "Nga ṅwaha wa gidimbili fumbili, ndi kha murole wa vhufumi nthihi, ndovha na dzangalelo ḽa vhulimi ha dzi khovhe nga murahu hau vhona nḓila ine vhathu vha ṱoḓa ngayo khovhe kha vhupo ha Vhembe. Ndori u phasa murole wa vhufumi mbili nga ṅwaha wa gidimbili fumbili-mbili, ndo dzhia tsheo yau imisa pfunzo dzanga uri ndi ita zwa vhulimi ha dzi khovhe. U bva nwaha wonoyo, ndo no kana khovhe dza Tilapia na dza silver carp, dzine zwa zwino ndi dzi rengisela mavhengele a tsini, ndi dovha hafhu nda kovha nḓivho yanga ya vhulimi ha dzi khovhe na vhanwe vhaswa. Vhanwe vhaswa vho no thoma mabindu avho nga nḓivho ine nda vha ṋea yone,"
Mulelu u ṱoḓa alusa bindu ḽawe nau isa khovhe dzawe kha mavhengele mahulwane. "Kha vhaswa vha shango ḽino ndiri, vha songo nyama nau fhela maanḓa kha vhutshilo. Kha ikonomi ine ra tshila khayo, ri fanela u khwinifhadza matshilo ashu. A vha thome avho mabindu ane aḓo aluwa avha mabindu mahulwane," a engedza.