Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Zwa zwino ho no fhela vhege rabulasi vha kale vha zwa vhulimi vha sa khou vhonala kha ḽa Vuwani. Rabulasi avha vha miṅwaha ya 75 ndi muthu vho ngalangalaho zwa zwino
Vho Simon Davhula Nyathela vho ṱuwa hayani nga matsheloni a Ḽavhuṋa, ḽa 6 Luhuhi, vha tshi vhudza miraḓo ya muṱa uri vha ḓo dalela khaladzi avho ngei Makwarela. Naho zwo ralo, avha ngo vhuya vha swika, nahone u bva tshatshetsho avha ngo tsha vhoniwa fhethu.
Murathu wavho, Vho Eric Nyathela, vha ri vho vha vho ambara zwiambaro zwa khaki, zwi fanaho na zwine vhalimi vhanzhi vha dzingu vha zwi ambara. Vho vha vha tshi khou reila goloi ya Toyota Avensis ya grey. Wonoyo muṱa wo thoma wa lingedza u vha lidzela kha ṱhingo yavho, fhedzi avha ngo vha wana muyani.
"Ri khou vhilaela vhukuma sa izwi founu yavho yo dzima zwa zwino. Ro hanganea sa muṱa. Ro vha ṱoḓa fhethu hoṱhe, fhedzi zwe vhutoto. Ndi lwa u thoma hu tshi itea zwithu zwi ngaho hezwi. Vha muthu wa hayani vhane avha eḓeli nnḓa. Na mashaka e ra kwamana nao vho khwaṱhisedza uri a vha athu u vha vhona. Hetshi ndi tshifhinga tshine tsha konḓa vhukuma na u vhaisa kha riṋe sa muṱa," vha amba.
U bva tshatshetsho mapholisa vho thoma u vha ṱoḓa fhethu hau fhambana. Muambeli wa mapholisa a Vhembe Vho W/O Vuledzani Dathi vhari nga Lavhuraru moḓoro wa Munna avho wo wanala Elim nahone vhaofisiri vha khou tevhela vhuṱala vhure hone.
Muṅwe na muṅwe a re na zwinwe zwa zwidodombedzwa ane a nga thusa kha u wana Vho Nyathela vha tshi khou humbelwa uri vha kwame muofisiri wa ṱhoḓisiso, V Sgt Matimba Caswell Mabasa, kha (082) 436-4825, vha founele nomboro ya Tshiimo tsha Vhugevhenga kha 08600 10111, kana vha shumise epe ya MySAPS.