Tshiṱori nga: Victor Mukwevho. Ṱhalutshedzo nga: Khathutselo Raliphaswa.
Ramavili wa mufumakadzi ane avha munya ya muleme thunzi , Raider "The Earthquake" Maleba, uri u khou kundelwa kha nḓila dza uḓi unḓa, naho a ramavili are na bannda ḽa uvha mufhenyi. Ramavili uyu a bvaho kusini kwa Tshifudi, uri zwia konḓa arali u sina vhalambedzi.
Muleba u vhilaela uri vhoramavili vha vhafumakadzi avha ṱhogomelwi u fana na vhoramavili vha vhanna sa izwi vhoramavili vha vhafumakadzi vha songo ḓala u fana na vhoramavili vha vhanna kha shango ḽashu, hone u wana dzi nndwa khavho asi zwithu zwo leluwaho.
"Naho ra wana dzi nndwa, masheleni ane ra ravhelwa ndi maṱuku. Ndi ḓi wana ndi tshi khou gudiswa nga zwiambaro zwanga sa izwi ndi sina zwiambaro zwauita ndowendowe. Sa izwi masheleni a maṱuku, ndia ṱahelelwa nga masheleni au namela uya u ndowendoweni, zwine zwavha na masiandoitwa asi avhuḓi kha mushumo wanga. Ndia humbula u laṱela thaula kha uvha ramavili nda ṱoḓa munwe mushumo uri ndi ḓi ṱhogomele," a amba.
Muleba u khou humbela u lambedzwa kha vhoramabindu na muvhuso uri a kone u alusa vhukoni hawe ha uvha ramavili. "Arina na hau fara ndowendowe ho teaho kha Masipala wa Thulamela, ri dzhena rinngini nge ravha na nndwa kana mutatisano. Ri gudela dzi holoni hune ra tou ṋeiwa magilavu na bege ya mavili. Nyimele yashu ndi i konḓaho vhukuma," a amba.
Vhane vha ṱoḓa u thusa Muleba vha nga mu kwama kha 072 028 9736.