Story by Elmon Tshikhudo & translated by Raliphaswa Khathutshelo
Kha ramuzika, makona wa nyimbo dza gosipele Pfarelo Mahandana wa Tshidzini, nnḓa ha Ṱhohoyandou, uvha ramuzika zwovha zwithu zwine ovha a ngasi zwi thivhele. Ori a na minwaha ya malo, Mahandana ovha o novha muraḓo wa khwairi kerekeni ya Zion Christ Church (ZCC) kha kusi kwa hawe. Ovha muthu we a aluwa a tshi takalela muzika hone vhoramizika vha fanaho na Nkosana na Oleseng ndi vhone vhe vha mu ṱuṱuwedza kha u takalela hawe uvha ramuzika wa gosipele.
O dzhiela nṱha vhukoni hawe ha vhuimbi nga 2004, musi a tshi imba oḓi khwaṱhisa nga ḓuvha ḽa mushumo wa nyonesano wa vhagudi vha murole wa sumbe tshikoloni tsha fhasi tsha Tshidzini Primary School, he a takaleliwa nga vhagudi, vhaeni na vhagudisi. Nga 2007, o kuvhanganya vhaswa vha Tshifuḓi vha vhumba tshigwada tshine tsha ḓivhea sa Limpopo Youth Choir.
Nga nwaha wa 2012, o pfulutshela kha vunḓu ḽa Gauteng a rikhoda aḽibamu yawe yau thoma, onoyo nwaha. Aḽibamu iyo yovha yone ya umu vulela dzi nḓila kha uvha ramuzika hone a ḓivheaho.
Nga 2016, o vhuya hayani a vhumba tshigwada tsha Bafana Ba Limpopo na vhanwe vhaṱhannga vhararu. Tshigwada itsho tsho bvisa aḽibamu ya Khotsi Thusa onoyo nwaha, ye ya takaleliwa nga vhatevheli vha muzika.
Aḽibamu yawe ya vhuraru, ye ai nea dzina ḽawe, Pfarelo Mahandana, yo rikhodiwa nga 2018, nga murahu hau ṱangana hawe na muimbi Virgy M, we amu ṱuṱuwedza uri a rikhode aḽibamu ya muzika wa Tshivenda. Nga dzi 12 Luhuhi uno nwaha, o bvisa aḽibamu yawe ine yapfi The Best of Pfarelo Mahandana.
A tshi sumbedzisa nga ha aḽibamu yawe ntswa, Mahandana uri ndi kale a tshi khou hangwa nga ha vhatevheli vhawe, vhe vhavha vha tshi khou ṱoḓa uri a rikhode aḽibamu nthihi ire na nyimbo dzawe dza khwine ubva kha dzi aḽibamu dzawe dza murahu. "Ndo tea u kombetshedza, ndi he The Best of Pfarelo Mahandana ya sikiwa, ina nyimbo dza 15 dza khwine dze nda dzi rikhoda minwaha yo fhiraho. Ndi imba nga ha zwithu zwine vhathu vha ṱangana nazwo ḓuvha na ḓuvha, zwine nda tenda uri ndi zwine zwa ita uri vhathu vha fune muzika wanga," u ralo Mahandana.
Mahandana u khou ṱoḓa mulangi ane aḓo langa muzika wawe. Vha tshi ṱoḓa aḽibamu ya Mahandana, vha mu kwama kha nomboro dzawe 072 592 7030 kana vhaye kha YouTube na masiatari awe a zwileludzi zwa vhudavhidzani (Pfarelo Mahandana).