Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Tshifhinga tsha u fhedzisela tsha Afro-Jazz na mafhungo madifha musi Vanessa Phumudzo Mphanama Muntswu o vha e nḓuni dzau kanḓisa muzika musi ho vha nga 2015, musi a tshi andadza aḽibamu yawe ya vhuvhili, Ebenezer, a tshi vha na muungo wa mafhungo madifha Rofhiwa Manyaga kha nḓila Vhadzimu Wa Ngoho.
Muimbi, ane a ḓivhiwa khwine sa Vanempha kha zwigwada zwa muzika, nga murahu a bva kha ṱhogomelo. Nga murahu ha miṅwaha ya fumi, o dovha a vuwa nga tshifhinga tsha u rekhoda nga vhuḓalo ha Worship House, he vha Limpopo Mirror vha kona u mu wana hone.
Zwino mufunzi muhulwane na muthomi wa Senthara ya Vhurabeli ya Vhukriste, Vanempha o fulufhedzisa vhafuni vhawe uri u ḓo bvisa muzika muswa. U ya nga ipfi lawe, nga la 9 dza Luhuhi 2025, o bvisa nyimbo mbili: Azwihuli Zwa Fhira Mudzimu na Duvha Langa Ndi Leli.
Hedzi nyimbo mbili ndi tshiga tsha aḽibamu yawe ine ya khou ḓa, Yesaya 66:22. Phurojeke yo rekhodiwa, yo ṱangana, nahone yo vha i tshi shuma zwavhuḓi ngei Big A Studios ngei Pretoria, nga u bveledzwa nga Maanda Nenguda.
Mushumo wa muzika wa Vanempha wo thoma nga 2012 nga u bviswa ha aḽibamu yawe ya u thoma ya jazz, Untold Story. Vho shumisana na vhahulwane vha nḓowetshumo vha ngaho Hanie Mutele na mufu Vho-Emmanuel Mamphogoro.
Musi vha tshi vhudziswa nga ha u sa vha hone havho u bva kha u sa vhonala zwavhuḓi, muwini wa 2013 wa Tshima Best Female Artist o sumbedza khaedu dza zwa masheleni dza nḓowetshumo ya muzika. "Nḓowetshumo ya muzika ṋamusi yo ḓala khaedu. Mbadelo dza hone dzi nnṱha vhukuma lwe vhalidzi vhanzhi vha posa thaula. Vhaṅwe vha kombetshedzea u nanga zwifhinga zwa u rekhoda zwa vhuimo vhu si havhuḓi ngauri a vha koni u badela tshivhalo tsha studio tsha phurofeshinala. Ndivho yanga ndi u bvisa albamu yo fhelelaho hu si kale, fhedzi i ḓo ḓitika nga masheleni," vho ralo.
Vanempha o dzumbulula uri u na lupfumo lwa nyimbo ntswa dzo lugelaho u rekhodiwa nahone a nga fhedza albamu nga ḓuvha ḽithihi fhedzi. "Nyimbo dzanga ntswa dzi khou ita mavemu kale, na Azwihuli Zwa Fhira Mudzimu ndi vhone vhane vha funeswa nga vhathu nga nthani ha mulaedza wayo wa maanda," vho ralo.