Story by: Victor Mukwevho & translated by: Raliphaswa Khathutshelo
Ḽidzhakanḓila kha muzika wa rege Rudzani "Shufflers" Ragimana, ane a ḓivhea kha vhatevheli vhawe sa "the reggae prophet", u ḓo bvisa muzika wawe onoyu nwedzi.
Ragimana, ane avha mugudisi wa saintsi kha tshikolo tsha nṱha tsha Selemale lwa u swika minwaha ya furaru, o wana dzina ḽa "prophet" nga murahu ha u bvisa aḽibamu yawe ina nyimbo ya Shango ḽo vhifha muvhilini ine ya ḓivhea vhukuma, minwaha ya fumi yo fhiraho. Iyo nyimbo yovha nga ha dzi thaidzo dzine dza khou bvelela shangoni ḽashu, a tshi humbela uri mudzimu vha dzhenelele. Namusi, gole ḽitswu ḽi andaho kusini kune aku funesa kwa Makonde, sa izwi huna dzi khuḓano kha kusi uko kwe kwa vha kusi kwa mulalo minwaha i swikaho miraru yo fhiraho, vhatevheli vhawe vha thoma u mu vhidza uri "the reggae prophet".
Ragimana o thoma u shela mulenzhe kha nḓowetshumo ya muzika wa rege nga 1998, a tshi bvisa aḽibamu yawe ya Ndi nga na ndafa. Luimbo lwa Ndi ngana ndafa lwo vha luimbo lwo ḓoweleaho hone lwa tambiwa hoṱhe-hoṱhe u mona na shango na minyanyani na mitshatoni.
Kha nyambedzano yawe na Limpopo mirror ngei Tshilamba nga Mugivhela, 25 Luhuhi, Ragimana uri ene o bebiwa kha muṱa wa vhaporofita. "Thi nwali dzi nyimbo dza tshiporofito. Maipfi a tou ḓa zwezwo ndo dzula hau rikhoda nda thoma u imba," Ragimana u ralo.
Nga ha aḽibamu yawe ya zwino-zwino, uri o rikhoda dzi nyimbo idzi kale zwa zwino ovha a tshi tou dzi khwinifhadza ho teaho. "Ndi vhona uri heyi alibamu i ḓovha ya khwine kha dzine ndo no rikhoda u swika zwino. Ndo i rikhoda na Mulalo Mukwevho, munwe wa vhoramuzika makone zwa zwino," a engedza.
Vhaimbivhatikedzi vhawe vhavhili, Tendani Ragimana (mufumkadzi wawe) na Maavhelwana, vho no bvisa aḽibamu dzavho fhasi hawe.