Tshiṱori nga Maanda Bele. Ṱhalutshedzo nga Khathutshelo Raliphaswa.
Nḓowetshumo ya hip-hop ya Tshivenda yo xelelwa nga manwe a maipfi kha nḓowetshumo zwi tshi tevhela u fhira fhano shangoni ha Thendo Floyd Tshipota Mbelengwa, ane ovha a tshi ḓivhea khwine sa FloydBest. Ṋaledzi ya Venrap, ine ya pembelelwa nga nyimbo yawe ya u mbvumbvusa vhathu ya 'I Don't Care', o fhelekedziwa hayani hawe ha tshoṱhe nga Mugivhela wa ḽa 15 Ṱhafamuhwe, muvhunduni wa hayani wa Madombidzha.
FloydBest o alutshela Madombidzha na u ya zwikoloni zwo fhambanaho musi a sa athu fhedza matiriki wawe wa matiriki wa tshikolo tsha nṱha tsha Berea Park ngei Pretoria. Nga murahu o ḓou wana diploma kha saintsi ya khomphyutha, a guda ndaulo ya tsireledzo kha gudedzi ḽa UNISA, nahone a ṅwalisa kha mbekanyamushumo ya NOSA ya SAMTRAC.
Hu sa londwi u tovhola hawe ha zwa pfunzo na ha mushumo, muzika wo vha u tshi kha ḓi vha lufuno lwawe lwa u thoma. FloydBest ovha e tshipiḓa tsha ndeme tsha tshigwada tsha Venrap, tshine tsha shumisana na vhatsila vha ngaho Toofab, Muhanga wa Muhanga (FWO), Mizophyll, Fizzy Too Fab, Cjay TheDon, Mac Fam na Percy Mukwevho. U ḓikumedzela hawe kha hip-hop zwo ita uri a wane Best Rap Single kha Pfufho dza Muzika wa Pretoria, tshipikwa tshe tsha khwaṱhisa mvelelo dzawe kha nḓowetshumo.
Musi a tshi amba nga murahu ha u wana pfufho yawe, FloydBest o ri: "Hip-hop zwi amba zwinzhi kha nṋe; nga nṋe muṋe, ndi nḓila ya vhutshilo. Zwi ntendela u vha zwine nda ṱoḓa u vha zwone, hu sa londwi zwine vhaṅwe vhathu vha humbula. Ndi vhutsila, vhurendi - ndi zwone fhedzi zwine nda vha nazwo na zwoṱhe zwine nda ḓo vhuya nda zwi ṱoḓa. Arali hu si na hip-hop, a thi nga ḓo fhelela."
Maipfi awe o vha a tshi sumbedza lufuno lwawe lwo dzikaho lwa muzika na mushumo we wa vha a tshi u ita vhutshiloni hawe. Nga nnḓa ha muzika, FloydBest o shela mulenzhe kha nḓowetshumo dzo fhambanaho. Vhukati ha 2016 na 2018, o shuma sa mugudiswa kha tshipiḓa tsha mveledziso ya zwishumiswa zwa vhathu vha Afrika Tshipembe. Zwa zwino, o vha na mushumo wa ndeme kha mabindu a malume wawe, a tshi shuma kha ḽebuḽu ya zwiambaro ya ine ya vhidziwa 'You' na u thusa u fhaṱa mvelele ya u kunakisa ya Haqua (Hadji Water).
Muṱa wawe na khonani dzawe vhamuhumbula kwine sa muthu wa muya wa vhulenda, u shumaho nga maanḓa na u pfela vhaṅwe vhathu vhuṱungu we wa vha u tshi dzulela u mwemwela kha tshifhaṱuwo tshawe.
FloydBest o sia mme awe, Vho Julia, khaladzi dzawe, Candy na Inno, na muṱa muhulwane wo ṱanḓavhuwaho we wa vha u tshi mu dzhiela nṱha vhukuma.