Tshiṱori nga Ngerezah Netshifhefhe. Ṱhalutshedzo nga Khathutshelo Raliphaswa.
Kha nḓivhadzo ya muzika ya tshivhindi ya ndivho na u konḓelela, mutsila wa reggae ane a khou bvelela zwavhuḓi Ras Canly o ṱangana na muimbi wa muzika wa ḓivhazwakale Dokotela Colbert Mukwevho kha nyimbo ntswa i re na maanḓa i vhidzwaho The Sky is the Limit.
Nyimbo iyo yo dzudzanyelwa u bviswa nga Ḓuvha ḽa Vhaswa, ḽa 16 Fulwi, luimbo lu fhira u sokou vha luimbo - ndi tshigwada tsho livhiswaho kha u ṱuṱuwedza u konḓelela na bono, nga maanḓa kha vhaswa. U shumisana hu ṱanganya mirafho mivhili ya vhutsila na ṱhalukanyo, u ṱanganya zwishumiswa zwa muya na maipfi o ḓalaho muya.
Kha ino nyambedzano, Ras Canly o elekanya nga ha nganea ine yo ṱuṱuwedza luimbo ulu, lwendo lwa u sika lwo kovhelwaho na Colbert Mukwevho, na zwine zwa vha hone musi vha tshi khou lugisela u bviswa ha aḽibamu yavho ine ya khou ḓa nga Ḓuvha ḽa Vho Nelson Mandela.
Q: Ndi mini tsho itisa ho uri luimbo lu vhidzwe uri The Sky is the Limit?
A: Dzina ndi nḓivhadzo ya fulufhelo. Ndi nga ha u humbudza vhathu - nga maanḓa vhaswa - uri a hu na muloro une wa vha muhulwane vhukuma. Vhutshilo vhu nga konḓa, fhedzi arali na dzula no livhisa ṱhogomelo nahone ni na vhuḓipfi havhuḓi, ahuna zwine zwa nga ni thivhela.
Fhungo: U shumisana na Colbert Mukwevho zwo ḓa hani?
A: A tho ngo sendela tsini navho thwii. Vhovha vhe na vhushaka vhuhulwane na tshiimiswa tsha Adziambei , nahone ndo vha ndi tshi dzulela u vha na muloro wa u shuma navho. Ḽiṅwe ḓuvha, Mudzulatshidulo o mbo ḓi dzhena studio musi ndi tshi khou lidza luimbo. Ndo sumbedza lutamo lwanga lwa u vha naVHo Mukwevho khalwo, naho ndo vha ndi sa ḓifulufheli uri ndi nga sendela tsini navho nga ṅwambo wa ṱhonifho ya nṱha ine nda vha nayo khavho. Mudzulatshidulo vho sokou ri, "Nga hu itwe zwine wa funa," huno vha ita uri zwi itee. Nga murahu ha u ri ṱumanya, vho mbo ḓi humela murahu nahone vha ri litsha ro vhofholowa ri tshi khou shumisana. Ndo vha ndo no vha na ṱhalutshedzelo ya luimbo, fhedzi Vho Mukwevho vho ri, "Kha ri lu fhaṱe roṱhe." Ndi musi lwendo lu tshi thoma.
Q: Maitele a u sika o vha e hani - vho sendela hani kha u ṅwala na u bveledza nyimbo iyi?
A: Luimbo lwo ṅwalwa nga ndivho na maḓipfele. Musi tshumisano yo no khwaṱhisedzwa, ro dzudzanya hafhu luimbo uri lu tendelane na zwitaila zwashu roṱhe. Yo vha iya maipfi maswa maswa na u livhiswa nga muya - tshiṅwe tsha zwifhinga zwine a u zwi kombetshedzi, u sokou elela.
Q: Ndi zwifhio zwithu zwo khetheaho zwe Vho Mukwevho vha zwi disa kha Luimbo ngalothe(single), kha zwa muzika kana muyani?
A: U vha hone havho fhedzi zwo ḓisa vhuṱali na vhudzivha. Nga lwa muya, vho vha vha tshi ṋea tshileme tsha nḓila. Nga muzika, ipfi ḽavho, mulaedza wavho na ifa ḽavho zwo engedza lupfumo lune nda nga si kone u lu swikelela nga nṋe muṋe.
Q: Ulu luimbo nyimbo lo fhambana hani na dzi nyimbo dza kale sa One in a Million?
A: I sumbedza u vhibva na u aluwa. Vhuḓidini he ha dzhena kha Luimbo ngalothe - nga maḓipfele na nga thekhinikhala - vhu kha vhnwe vhuimo. Hoyu u hwala mulaedza wo dzikaho.
Q: Ndi mulaedza ufhio une vha fulufhela uri vhafuni vha u dzhia kha iyi nyimbo?
A: Uri naho zwithu zwi tshi konḓa lungafhani, hu dzula hu na nḓila ya u ya phanḓa. Ndi nga ha u konḓelela, bono na lutendo. I na maanḓa nga maanḓa kha vhaswa - ndi tshihumbudzo tsha uri miloro yavho i a shuma.
Q: Ni nga ri amba nga mubvumo - ndi mini zwine vhathetshelesi vha nga zwi lavhelela nga nḓila ya dzi soniki?
A: Sa vhaimbi, ri ḓisa mutevheṱhanḓu, mulaedza na vhuḓimvumvusi. Hoyu u na mubvumo wo khetheaho - muungo wo pfumaho wa reggae une wa vha na zwishumiswa zwa muya. Ndi nga ri: lavhelelani zwithu zwi songo lavhelelwaho, fhedzi ni ḓilugisele lwendo lwo dzikaho, lu ṱuṱuwedzaho.
Q: Naa tshifhinga tsha u anḓadzwa ha nyimbo (Ḓuvha ḽa Vhaswa) tsho vha tshi tsho ḓiimisela? Arali zwo ralo, zwi ṱangana hani na mulaedza wa luimbo?
A: Ee, zwo vha zwo ḓiimisela; 16 Fulwi ndi ḓuvha ḽa maanḓa Afrika Tshipembe - ḽi swaya u hanedza vhaswa na tshivhindi. Mulaedza wa luimbo u tshimbilelana na zwenezwo: u lwela matshelo a khwine. Sky is the Limit ndi u hulisa vhoṱhe vhane vha dzulela u sukumedza, hu sa londwi zwithithisi.
Q: Hu na zwifanyiso kha mishumo - vidio ya muzika, khamusi?
A: Vidio ndi tshipiḓa tsha pulane dzashu vhukuma. Ri tenda uri zwifanyiso zwi ḓo ṱuṱuwedza mulaedza wa luimbo ulu na u swikelela. Ri khou shuma kha tshithu tsho khetheaho.
Q: Ndi mini zwine zwa tevhela kha Ras Canly nga murahu ha u bviswa uhu?
A: Aḽibamu yothe ya reggae i khou ḓa. I khou dzudzanywa u bviswa nga ḽa 18 Fulwana - Ḓuvha ḽa Vho Nelson Mandela. Ḽiṅwe ḓuvha ḽa ndeme ḽa mulaedza u re na ndivho.