Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Ramuzika Funanani Canly Phalanndwa o vhuya hafhu na aḽibamu thangeli yawe ntswa. Uyu ndi ramuzika ane a ḓivhea khwine nga ḽa Ras Canly kha nḓowetshumo ya muzika. Aḽibamu thangeli iyi i vhidzwa My Five- volume 2.
Ras Canly u bva kusini kwa Tshiombo, ndi ramuzika ono winaho dzi pfufho dza tshivhalo hone na aḽibamu thangeli iyi yawe ya nyimbo thanu, yo anḓadzwaho nga ḽa fumi rathi Fulwi, ndi ine vhunzhi ha vhatevheli vhawe vha i takalela vhukuma.
Aḽibamu thangeli iyi yo no wana thikhedzo nau takalelwa kha Spotity. Luimbo lune vhathetshelsi vha khou lu takalela vhukuma kha aḽibamu thangeli iyi ndi Hoto sala nyana.
Ras Canly o shuma na vhoramuzika vha ḓivheaho u fana na Mizo Phyll, Ramzeey, na Munwali kha aḽibamu thangeli iyi. Uri kha aḽibamu thangeli yawe, u takalela u imba nga muungo u songo ḓoweleaho kha nḓowetshumo ya muzika, u dovha hafhu a ṱoḓa u sika muzika une au pfali sa wa munwe ramuzika nauri u ṱoḓa u ṱuṱuwedza vhanwe vhoramuzika uri vha sike muzika ure na midzi ine ya ṱalusa vhuvha havho ho khetheaho sa vho ramuzika.
Ras Canly o ḓi sikela dzina kha nḓowetshumo ya muzika kha zwikili zwawe sa ramuzika. Zwa zwino una aḽibamu nṋa, aḽibamu thangeli mbili, na nyimbo dze a tou anḓadza dzi dzoṱhe dza fumi mbili. Luimbo lwa Vhutshilo Ri To Fhana, u bva kha aḽibamu yawe yau thoma kha nḓowetshumo ya muzika, Mbilu yanga, lwo imedzana na nyimbo dza vhanwe vho ramuzika kha uvha luimbo lwa khwinesa kha dzi TSHIMA (Tshivenda Music Awards) dza ṅwaha wa gidimbili fumi sumbe, he lwa fhenya lwavha luimbo lwa ṅwaha lwa u tou thoma lwa a.
A tshi bvela phanḓa nau shuma zwavhuḓi kha buḓo lawe, aḽibamu ya Ras Canly ya vhuvhili, My Pride, yo mu vhea kha uvha ramuzika wa tshinnani wa khwine kha dzi TSHIMA dza ṅwaha wa gidimbili fumi malo. Aḽibamu dzawe, ya vhuhili na ya vhuraru, The Journey (2019), hone aḽibamu yawe ya Hard to Believe (2021), yo shuma zwavhuḓi lwe ya nangwa kha pfifho uvha aḽibamu dza khwine dza regae dza ṅwaha kha dzi SAMA.
Kha minwaha Ras Canly a kha nḓowetshumo ya muzika, o no serela kha muungo wa dance-hall, regae, na hip-hop, a tshi di sikela dzina na vhuimo kha nḓowetshumo ya muzika.Vutsila hawe sa ramuzika zwi ṱuṱuwedza vhatevheli vhawe.