Tshiṱori nga: Victor Mukwevho. Ṱhalutshedzo nga: Khathutshelo Raliphaswa.
Nga murahu ha minwaha ya u anḓadza nyimbo nga nthihi nga nthihi, ramuzika Ndivhuwo Tshivhandekano Mutshutshu wa kusini kwa Gondeni ḽa Ha-Mutshutshu, nnḓa ha Ṱhohoyandou. Ramuzika uyu u ḓivhea khwine nga ḽa Ras Mjelo, ramuzika wa rege, o anḓadza aḽibamu yawe nga ṅwedzi wa Fulwana ṅwaha uno. Aḽibamu iyi ya Lwendo na Nyimele, ire na nyimbo dza fumi sumbe i sumbedza vhukoni ha Ras Mjelo.
Zwa u imba kha Ras Mjelo zwo simuwa a tshe kha kiḽasi dza tshikolo tsha fhasi musi a tshi lingedza u imba e na ṱhama dzawe. "Rovha ri tshi edza nḓila ine vhoramizika vha imba ngayo, fhedzi rovha ri sa koni u imba nga nḓila yone na maipfi o teaho. Nga u vhona izwo, ro mbo thoma u ṅwala dzashu nyimbo ra khwinifhadza na nḓila dzashu dza u imba," a amba.
Nga ṅwaha wa ḓaṱahe fuṱahe-thihi, musi e tshikoloni tsha nṱha tsha Thase, o ḓou dzhenelela uvha kha khwairi ya tshikolo, he vha dzhenelela na miṱaṱisano yo fhambanaho. "Ndo thoma u kandisa nyimbo nga ṅwaha wa gidimbili fumi, ndo rangiwa phanḓa nga Vho-Ishmael Malala vha nnḓu dza u kanḓisa dza Tshau. Afho ndi he vhathu vha kusi kwashu na zwisi zwa tsini vha thoma u takalela muzika wanga. Nga ṅwaha wa gidimbili fumi rathi, ndo kandisa nyimbo yanga ya u thoma, 'Let's carry on,' nḓuni dza Masana,"ua amba.
U anḓadza hawe muzika wa rege na dancehall zwo simuwa nga ṅwaha wa gidimbili fumbili.Luimbo lwawe, "Nyimele," lwo takalela nga vhanzhi, zwe zwa ita uri a ḓivhiwe kha nḓowetshumo ya muzika. "Ndi livhuwa luimbo, lwe lwa nswikisa kha uvha na nyambedzano na vha Torla Radio ubva Virgin Islands.Luimbo lwa 'African Queen,' lwo takalelwa zwe ya lidzwa kha zwiṱitshi zwa hayani zwa radio na kha zwiṱitshi zwa lushaka u mona na shango," a engedza.
Sa munna wa lushaka lwa vhathu vha marasiṱa, Ras Mjelo u tenda kha maanḓa a lufuno. "Ndi ngazwo nyimbo dzanga tharu kha aḽibamu iyi, 'Ndi ḓo mufuna,' 'Gudanan,' na 'Vhuludu' dzi amba nga lufuno," a vhina nga urali.