Translated by Khathutshelo Raliphaswa
Phumudzo Shakes Mbedzi wa minwaha ya 31 na Mutshutshu Gilbert Madzivhanḓila wa minwaha ya 51 ndi vhathu vhane vha dzulela u ṱuṱuwedza vhathu uri vha ḓi ṱanganedze ndi nḓila ine vhavha ngayo. Avha vhaswuhana vhane vhavha ṱhama ya nnyi na nnyi, vhoṱhe ndi vhapfufhi, vhari ahuna zwine zwa fhira u ḓirwa khana nga zwine vhavha zwone.
Vhoṱhe avha vhanna vha ṱhonifhiwa vhukuma mivhunduni yavho na nnḓa, Mbedzi ndi muimbi wa gosipele ane a ḓivhea vhukuma ubva ngei kusini kwa Khubvi, Madzivhanḓila ndi rabulasi kusini kwa Makonde.
"Athi pfesesi ur ndi ngani vhathu vha tshi ri pfela vhuṱungu. Roṱhe ro sikiwa nga tshivhumbeo tsha mudzimu. Ahuna zwo khakheaho kha rine. Vhathu vho fhambana; vhanwe ndi vhapfufhi, vhanwe ndi vhalapfu. Mudzimu ori nea mivhili iyi nge a vhona zwo fanela futhi ria livhuwa tshilidzi tshawe," hu amba Mbedzi.
Avha vhanna vhavhili vha a ṱuṱuwedzana, Madzivhanḓila uri muvhili wawe umu takadza vhukuma. "Athi shoneli nḓila ine ndavha ngayo na luthihi, ndo rali ndo naka. Vhathu vha ya nhaṱula nga vhupfufhi hanga fhedzi izwo asi zwithu zwine zwa ntswenya na luthihi. Vhupfufhi hanga vhu na mbuelo ngauri ndia kona u ita zwithu zwine vhathu vhalapfu vha kundeliwa u zwi ita u fana nau swikelela zwithu zwire fhasi," a amba a tshi sea.
Vha sumbedzisa uri u aluwa havho hovha hu songo leluwa. "Vhathu vhovha vha tshi tshila na rine u fhambana na vhanwe vhathu. Vhanwe vhana vhovha vha sa ṱoḓi u tambi na rine, fhedzi vhathu mivhunduni yashu vha thoma u ri ṱanganedza ri tshi khou aluwa. U aluwa fhasi ha nyimelo dzi konḓaho zwo ita uri ri khwaṱhe nau shuma ro ḓi imisela ndi hone he vhathu vha thoma u zwi vhona uri ahuna zwo khakheaho nga rine. Namusi, ri vhanna vho ḓi imisaho vhane vhanwe vhana vha tama u fana na rine hone vhari dzhia sa ṱhuṱhuwedzo matshiloni avho," hu amba Mbedzi.
"Vhagudisi na vhagudiswa nganne vhovha vha tshi tshila na nne unga ndi nwana muṱuku hone ndovha ndi sa zwi takaleli. Nga murahu ha tshifhinga vha thoma u nṱanganedza na u tshila na nne u fana na muthu munwe na munwe. Ndia takala ndi tshi ḓi vhona ndono vha munna o aluwaho ea fhenya u tambudziwa nga nḓila dzo fhambanaho nga vhathu vhe nda aluwa navho," Madzivhanḓila u ralo a tshi humbula maḓuvha awe a tshikoloni.
Mbedzi na Madzivhanḓila vhari vha ṱoḓa u vhumba tshigwada tsha vhathu vhapfufhi, uvha thusi uri vha ḓi ṱanganedze. Vhari vha takalela uḓi wana vha vhatambi kha zwikirini zwa thelevishini, fhedzi vha ṱoḓa vhathu uri vha vha thuse u swikelela kha thelevishini.
Mbedzi vha nga mukwama kha nomboro dza 071 290 0048, Madzivhanḓila vha nga mu kwama kha 071 115 2364.