Tshiṱori nga Kaizer Nengovhela. Ṱhalutshedzo nga Khathutshelo Raliphaswa
Rokundwa Khuba ane a ḓivhea nga dzina ḽa Rockzie kha nḓowetshumo ya muzika, ovha ene mukundi muhulwane kha pfufho dza muzika wa Tshivenda dza Phalaphala FM (TSHIMAs) dza nwaha nga nwaha, dze dza farelwa Nandoni Kalahari Waterfront nga Mugivhela wa ḽa 7 Nyendavhusiku.
Vhuṱambo uhu ho vha ho ṱanganelwa nga vhaeni vha ḓivheaho, hu tshi katelwa MEC wa Mveledziso ya Ikonomi, Mupo na Vhuendelamashango, Vho Tshitereke Matibe, vho neḓorobo vha bvaho kha mimasipala yo fhambanaho, miraḓo ya bodo ya SABC na vhashumi vhahulwane, vhatsila, na miraḓo ya tshitshavha.
Rockzie, muimbi wa minwaha ya 20 abvaho Madabani Hasinthumule, o nangiwa kha zwigwada zwivhili: Ramuzika muswa wa khwinesa na Luimbo lwa khwinesa lwa Tshivenda lwa nwaha. Ovha o takala vhukuma musi vha tshi pfufhiwa kavhili nahone o livhuwa tshigwada tsha Miriri Productions kha thikhedzo yavho.
Munnaavhane Vho Emmanuel Mamphogoro vho huliswa nga murahu ha lufu lwavho nga pfufho yo khetheaho nga ṅwambo wa u shela mulenzhe havho kha nḓowetshumo ya muzika.
Musi vha tshi khou amba kha mushumo uyu, MEC Vho Matibe vho ṱuṱuwedza vhaimbi uri vha sike muzika une wa hwala milaedza ya pfunzo kha lushaka. Vho dovha vha ṱuṱuwedza uri vha dovhe vha ṱangane na vhubvo havho nga u dzhenisa zwilidzo zwa sialala kha muzika wavho.
Mulanguli wa mbekanyamushumo dza Phalaphala FM, Vho Sharon Ravele, vho sumbedza u fushea havho nga u bvelela ha mushumo uyu. "A zwi timatimisi, mvelele ya TSHIMA yo no vha tshithu tshihulwane kha khalenda ya zwine zwa itea hayani, tshithu tsha ndeme vhukuma. Ri ḓikumedzela u ṋetshedza fhethu hune ha ṋea malamba na u dzhiela nṱha vhukoni ha vhathu vha hayani," vha amba.
Vho Ravele vho dovha vha amba uri tshiṱitshi tsho vulea khau farisana na zwiṅwe zwiimiswa vhare na bono lithihi na rine . "Roṱhe ro takala nga hazwo. Zwi vusuludza mvelele na u ṱanganedza u fhambana ha nyambo dzo imelelwaho hafha," vho engedza.
Vhawini kha zwigwada zwo fhambanaho:
* Luimbo lwa khwine lwa Afro Soul/lwa musalauno/lwa jazz: Clauds
* Luimbo lwa Amapiano lwa khwine: JR Player
* Ramuzika muswa wa Tshivenda wa khwinesa: Rockzie
* Luimbo lwa khwinesa lwa nwaha lwa Reggae ya Tshivenda: Colbert Mukwevho
* Luimbo lwa Sialala lwa khwinesa: Malisakholomo Band
* Muimbi wa Mufumakadzi wa Nṱhesa: Newie
* Luimbo lwa khwinesa lwa Hip Hop: Batondy ft Romeo TheGreat White
* Luimbo lwa khwinesa lwa Gospel lwa musalauno: Taki Sikhwivhilu
* Album ya Tshivenda ya Tshingondo ya khwinesa: Chidika na The Secret Boys
* Evangeli ya Sialala ya Tshivenḓa ya Nṱhesa: Albert Mudau
* Muimbi wa Munna wa Nṱhesa: Gusba Banana
* Tshigwada tsha khwinesa: Malwela Vanda
* Muimbi wa Nwaha wa Tshivenda wa Munna wa Nwaha: Asa Tee
* Luimbo lwa khwine lwa nwaha lwa Tshivenda: Rockzie
* Luimbo lwa Vhurendi ha Tshivenḓa lwa Nṱhesa: Papa Thile