Tshiṱori nga Elmon Tshikhudo. Ṱhalutshedzo nga Khathutshelo Raliphaswa.
Ho no fhela minwaha ine ya hovhelela mivhili nga murahu ha uri ramiswaswo anendi muhumbulelwa Livhuwani Madadzhe, ane a ḓivhea khwine nga ḽa SABC Livhu, o lovhelwa nga mufarisi wawe, fhedzi hu vhonala mbilu yawe yo no wana vhudzulo kha munwe muthu. Izwo zwo vhonala musi a tshi anḓadza zwifanyiso zwawe e na mufarisi wawe muswa ane nga minwaha u na 26. Izwo zwifanyiso ndi zwe zwa anḓadzwa kha zwileludzi zwa vhudavhidzani ha nnyi na nnyi.
Mufumakadziwavhanne, mufumakadzi wa ene Madadzhe, Lindelani Nengovhela, ane ovha atshi ḓivhea khwine nga ḽa Mme a Muofhe, vho lovha ṅwaha wo fhiraho, hone tshitumbu tshavho tsha waniwa ngomu ha mulonga wa buga wo ḓala maḓi hanefho muḓini wavho, Mangondi Sidou. Zworalo Madadzhe o ḓou vhoniwa mulandu kha bulayo iḽo, hune na zwino u khou senga kha bulayo iḽo. Madadzhe ori musi atshi fariwa kha bulayo iḽi a ḓo lungululwa nga beiḽi ya masheleni a zwigidi zwa fuṱhanu hu na maga o vhetshelwaho beiḽi iyo. Zworalo ono ḓi vhonadza khothe lwa tshivhalo hune zwa zwino khothe iḓo dzula hafhu ṅwaha u ḓaho nga ṅwedzi wa Phando khothe khulwane ya Ṱhohoyanḓou.
Madadzhe, ane a dovha hafhu avha ramabindu na muṱuṱuwedzi kha vhanwe hune avha na khasho yawe kha zwileludzi zwa vhudavhidzani ine ya vhidzwa SABC Livhu, ndi kale a sa khou vhonala kana u pfala kha zwileludzi zwa vhudavhidzani lwa tshifhinga tshine vhathu vhari ndi tshifhinga tshilapfu sa izwi e muthu ane ovha ono ḓoweliwa kha zwileludzi zwa vhudavhidzani, zwihulu yone Facebook. Naho vhathu vho ḓi sumbedza umu ṱoḓa nga vhunzhi uri a vhuye kha zwileludzi zwa vhudavhidzani, Madadzhe u vhonala o ṱutshela zwileludzi zwa vhudavhidzani zwino nga tshifhinga tsha tsengo yawe.
Fhedzi, musi Madadzhe atshi anḓadza zwifanyiso zwawe kha zwileludzi zwa vhudavhidzani, vhathu vho ḓouvha na vhupfiwa hau fhambana. Zwifanyiso izwo vhaṅwe vho ita nau sasaladza, hone vhaṅwe vhavha vha tshi khou hohedza Madadzhe na musidzana uyo, sa izwi zwifanyiso zwovha zwi tshi khou sumbedza uri vhathu avho ndi vhafunani.
Kha nyambedzano na vha Limpopo Mirror, Madadzhe o amba zwauri o kungea nga lufuno hone o wana mufunwa wa vhutshilo hawe. Mufumakadzi uyu muswa kha vhutshilo ha Madadzhe ndi Fhatuwani Nkhumeleni Maberegisi a bvaho Mbilwi, wa minwaha ya fumbili-rathi ane u shuma sa mulanguli wa mavhengele tserekano wa Melrose Arch fhaḽa Sandton.
Musi atshi vhudziswa uri vho ṱangana hani, Madadzhe o amba zwauri ndi vhathu vhane nḓila dzavho dzovha dzi tshi khou tou tea u ṱangana. " Zwa zwino ndi wanala Sandton, hone zwovha zwi songo tou pulaniwa u ṱangana hanga nae nga ṅwedzi wa Shundunthule naṅwaha, musi ndo humela khothe, ndo ḓou ṱangana nae. Musi ndi tshi khou renga zwithu Thavhani Mall, ndi he nda ṱangana nae, ro ḓou neana nomboro dza dzi ṱhingo, hone u ṱangana zwavhuḓi ro ṱangana Sandton, hune a shuma hone. Ho ḓou thoma matshilisano vhukati hashu, lune ndi nga amba zwauri ri vhathu vhane vha khou funa na zwi hone," a amba.
Madadzhe o ḓou amba zwauri kha vhege iḽa yo fhiraho hovha maṅwe a maḓuvha a dakalo vhutshiloni hawe. Vhafunani avha vho no dalela na vhugalaphukha ha Kruger vha tshi ya u ḓi mbvumbvusa hone lwa maḓuvha nyana.
"Roḓiphina nga maanḓa musi ro bva, fhedzi lwendo lwashu lwa kwamea nga ma ambiwa a vhathu ane ovha esi avhuḓi kha zwileludzi zwa vhudavhidzani. Ndo dzhia tsheo yauri ndi tou fhumula musi vhathu vha tshi amba zwithu zwisi zwavhuḓi nga ha nṋe, ngauri athi nga ḓo shandukisa mihumbulo yavho havha vhathu," a amba.
Madadzhe o engedza zwauri musi vhathu vha atshi engedza u semana ene ovha a tshi khou lilela mufumakadzi wawe afhumula. "Ndi tshifhinga tshauri ndi bvele phanḓa na vhutshilo hanga. Ndi azwi divha uri kha zwoṱhe zwine nda ita, vhathu vha ḓo dzulela u amba. Vhutshilo vhu tea u bvela phanḓa. Nga ḽa fumbili-ṱhanu Nyendavhusiku 2024, hu ḓovha na bembela ḽihulu ḽa mamalo, vho rambiwa," a vhina.