Tshiṱori nga: Elmon Tshikhudo. Ṱhalutshedzo nga: Khathutshelo Raliphaswa.
Ramavili wa mufumakadzi Mkateko Muriel Sithole a ngavha a songo kunda kha mutatisano wau lwela tshiphuga tsha ḽifhasi tsha vho ramavili vha vhafumakadzi ngei Yaounde, Cameroon, fhedzi ndi ramavili we a takulela vhupo ha Vhembe nṱha. Sithole ovha e tshipiḓa tsha thimu ya Afrika Tshipembe vhe vha dzhenelela mutatisano iyi u bva nga ḽa fumbili-sumbe u swika nga ḽa ṱhanu Thangule nwaha uno.
Sithole wa minwaha ya furaru malo, wa u bva kusini kwa Mahonisi, nnḓa ha Ha-Malamulele. Naho o kundiwa nga Patricia Mbata wa shango ḽa Nigeria kha mutambo wa vhuvhili wa dzi semi fainala, o vhuya hayani o ḓalelwa nga dakalo. Vhuḓidini hawe ho mu swikisa kha u pfufhiwa mendele wa Bronze na masheleni a swikaho $5,000 – ine yo mu fanela sa ramavili wa vhupo ha mahayani, hune vhupo ha mitambo yo raliho i a konḓa.
Buḓo ḽa Sithole ḽo simuwa nga nwaha wa gidimbili fumi rathi a tshi tumbulwa he avha atshi ita nḓowenḓowe dzawe dza uvha ramavili Ha-Malamulele, e na minwaha ya furaru-thihi.
A tshi sedza tshenzhemo yawe murahu musi e Cameroon, uri lwendo ulu lwo mu sumbedza zwe avha a sina nḓivho yazwo hone o guda zwinzhi kha mutatisano uyu wa vhugwena. "Naho ndo kundiwa kha mutatisano yanga, u swika kha dzi semi fainaḽi zwi sumbedza uri ndo shuma zwavhuḓi. Ndo kona u pfufhiwa nga mendele wa bronze na masheleni. Izwi ndi u bvelela kha nne, hone ndo ḓalelwa nga dakalo. U dzhenelela hanga kha mbambe iyi ya vhugwena zwo mmaanḓafhadza nau nṱuṱuwedza uri ndi shume ndo ḓi imisela na u swikelela ndivho yanga," a amba.
Itshi asi tshifhinga tshawe tsha u thoma a tshi imelela Afrika Tshipembe. Ṋwaha wo fhelaho, o imelela Afrika Tshipembe kha mbambe ya tshiphuga tsha ḽifhasi ngei Turkey, he a kundiwa a saathu u swika kha dzi semi fainaḽa. Kha mbambe dzine o no dzhenelela dza fumbili ṱahe, Sithole o no kundwa kha dza rathi. Kha buḓo iḽi ḽawe, o no pfufhiwa nga mimendele ya silivhere na bronze.