Tshiṱori nga: Kaizer Nengovhela & Ṱhalutshedzo nga: Raliphaswa Khathutshelo
Ramuzika Uhone Malindi, ane a ḓivhea khwine nga dzina ḽa Slender Girl, uri u imba zwine a kholwa uri zwi mvumvusa vhatevheli vhawe. Slender Girl u sumbedzisa uri o ono wana tshitaila tshawe zwi tshi ḓa kha muzika, hone vhane vhavha vhatevheli vha muzika wa house vha ḓo takalela u thetshelesa nyimbo yawe ntswa, Nyimele.
Slender Girl o bebiwa Ha-Mavhunga, ndi munwe wa vhoramizika vhane vho bvelela zwavhuḓi Venḓa vhane vho ḓi sikela dzina kha nḓowetshumo ya muzika. Uyu muzika une au imba wo novha munwe wa mizika i ḓivheaho nau ḓowelea Venḓa. Muimbi a ḓivheaho sa Makhadzi ndi ene o ṱuṱuwedzaho Slender Girl uri avhe na lufuno kha iyi tshaka ya muzika.
Kha nyambedzano, Slender Girl uri u a ḓirwa khana u vhidziwa ramuzika wa muvenḓa, ane a takalela u imba nga luambo lwa ḓamuni, Tshivenḓa. Kha nyambedzano na gurannḓa ya Limpopo Mirror, u sumbedzisa uri vhunzhi ha vhoramuzika vha Tshivenḓa vha khaḓi ṱangana na zwikundisi zwinzhi zwine zwa thivhela u bvelela havho. "Muthu a tshi bva Venḓa, zwia konḓa vhukuma u wana fhethu ha u rikhoda hune ha ḓo mu swikisa kha u ḓivhiwa u mona na shango. Fhedzi ndi na fulufhelo kha nne muṋe. Ndi ṱoḓa uri ndi bvelele hone nga ndoṱhe naho huna zwithivheli zwine ra ṱangana nazwo."
Slender Girl uri ovha o ḓala nga dakalo nga nḓila ine vhatevheli vha mu tikedza ngayo na nḓila ine vha khou ḓivhadza nyimbo yawe kha zwiṱitshi zwa dzi radio dzo fhambanaho. "Milaedza na dzi ṱhingo dzine nda dzi wana u bva kha vhatevheli vhanga dzia nṋea mannḓa nau ntakadza. Vhathu vha renga muzika wanga ḓuvha linwe na linwe. Vhathu vha mvumvusea vhukuma nga alibamu iyi! Ndia takala uri vhathu vhanzhi vho no renga nyimbo dzanga nga tshifhinga tshiṱuku," u ralo.
Slender Girl u imba nau mvumvusa vhathu fhethu ho fhambanaho kha vunḓu ḽa Limpopo a tshi ḓivhadza vhathu nga nyimbo yawe. "Ndi muthu ane ndi khou endela fhethu hunzhi ngauri vhathu vha khou ṱoḓa ndi tshi imba kha vhupo havho. Ndi humbela vhatevheli vhanga vha lindele ndi tshi vha nea muzika wanga wa khwine." U livhuwa vhatevheli vhawe vhoṱhe vhane vho mu tikedza lini na lini kha uvha ramuzika hawe.