Tshiṱori nga. Ṱhalutshedzo nga Khathutshelo Raliphaswa.
Vhaluki vha mavhudzi ubva Louis Trichardt vhane vha shuma kha C-Jays Hair Salon vho wana dziṅwe khoḓo khulwane mafheloni a vhege o fhiraho. Vho Nolean Dercksen na Takalani Mabobo vho shela mulenzhe kha Muṱaṱisano wa Inthanethe wa Intercoiffure SA and Fondation Guillaume, nahone vhuvhili havho vho swikelela vhuimo ha u thoma kha khethekanyo dzavho.
Nga u dzhena ha vhathu vha swikaho 32 kha muṱaṱisano wa ṅwaha uno, we wa farwa nga Ṱhafamuhwe, Mabobo na Dercksen vho vha vha tshi fanela u vhona uri mushumo wavho wa khwine wo ṋetshedzwa u itela u ṱaṱisana. Nolean o dzhia sia kha khethekanyo ya Ladies' colours and Cut, ngeno Mabobo o vhea vhukoni hawe kha mulingo kha khethekanyo ya Vhuimazwikepe na Vhubveledzi. Hezwi zwo ita uri a kone u bvisela khagala mihumbulo yawe nga vhuḓalo nga nḓila dzo fhamba-fhambanaho dza mavhudzi na zwitaila zwao.
Nga murahu ha u ṋetshedza zwinepe zwa modele dze zwitaila zwavho zwo khetheaho na zwa vhutsila zwa lingiwa khazwo, mushumo wavho wo haṱulwa nga phanele ya vhaḓivhi vha dzitshaka, hu tshi katelwa Heidi Wetzel wa Intercoiffure, Dane Frost wa EOHCB, Marissa Roberts wa Wella, Angela Smith wa Schwarzkopf, na Dylan Shrives of Goldwell.
Nga vhukoni ho khwiniswaho na phothifoḽio dzo khwiniswaho, Dercksen na Mabobo vhoṱhe vha fulufhela u shela mulenzhe kha miṱaṱisano i fanaho tshifhingani tshi ḓaho. Sa vhaḓivhi vha zwitaila kha C-Jays, hezwi zwi sumbedza lutamo lwavho lwa u ita mavhudzi, lufuno lwa vhutsila, na lutamo lwa u bvela phanḓa na u khwinisa.
U lugisela muṱaṱisano uyu zwo vha zwi si mushumo wo leluwaho sa izwi vho vha vha tshi fanela u sedza kha mbonalo, tshitaila, na zwinepe zwa mavhudzi nga nḓila ine mvelelo ya u fhedzisela ya ḓo vha yavhuḓi kha u ḓiṱukufhadza. Naho zwo ralo, mushumo wo khwaṱhaho u a vhuyedza. Tshiṅwe tsha zwifhinga zwo khetheaho ho vha hu u vhona mvelelo dza u fhedzisela dzi tshi ṱangana. "Zwo vha zwi tshi mangadza u vhona mihumbulo yanga ya u sika i tshi dzhia tshivhumbeo na u wana vhupfiwa havhuḓi nga u rali u bva kha vhe vha vhona nyambo ya u fhedzisela," ho amba Takalani.
Khaedu dzo vha dzo sedzana na musi mutsiko wa tshifhinga na u dzula wo dzika nga fhasi ha mutsiko zwo vha zwi nndwa dzi sa fheli u itela u vhona uri hu na mvelelo dzo fhelelaho. U dzula wo livhisa ṱhogomelo na u dzulela u humbudzwa nga ha tshipikwa ndi zwone zwe zwa ita uri vha bvele phanḓa.
Ndivhuwo khulwane u bva kha C-Jays nahone vhaluki vho sumbedzwa sa ṱhuṱhuwedzo na thikhedzo zwo ṱuṱuwedzaho zwenezwi zwivhili nga tshifhinga tsha ndugiselo. Takalani o dovha a livhuwa nga ho khetheaho Connie, mueletshedzi wawe, kha vhulivhisi, ṱhuṱhuwedzo, na u tenda kha vhukoni hawe.
Heyi a si pfufho ya u thoma ya Nolean. Ṅwaha wo fhiraho opfufhiwa nga medele wa bronze kha Pfufho dza Vhusiki dza Ḽifhasi (KAO Division) kha khethekanyo ya Vhatsireledzi vha Vhusiki vha Ṅwaha.