Tshiṱori nga: Silas Nduvheni. Ṱhalutshedzo nga: Khathutshelo Raliphaswa.
Ramuzika wa muzika wa gosipele Takie Sikhwivhilu vha ḓo kandisa aḽibamu yavho nga ḽa fumimbili sumbe Shundunthule ṅwaha uno. Ḓuvha iḽi ḽau kandisa aḽibamu iyi ḽi ḓo touvha ḽa dakalo kha vhane vha takalela muzika wa gosipele na tshivhidzo tsha kereke ya Tha Living World Gospel Mission ire kha kusi kwa Tshilivho, tsini na Ha-Makhuvha nnḓa ha Thohoyanḓou.
Vho-Sikhwivhilu vhane vha bva kha kusi kwa Ngovhela-Backside, tsini na Sibasa, vho thoma zwau imba kha khwairi ya kerekeni vha tshe mutuku. Vho no ḓi sumbedza uri muthu a ngaya kule vhutshiloni arali o ḓi gana kha mushumo wawe hone atshi ṱhogomela mpho yawe.
Vho-Sikhwivhilu ndi murangaphanḓa wa vhaloshi vha kereke ya The Living Gospel World Mission ine vhavha muraḓo wa kereke iyo fhasi ha vhurangaphanḓa ha vhafunzi Vho-Rembuluwani Kharivhe.
Vho anḓadza aḽibamu yavho yau thoma nga ṅwaha wa gidimbili fumi, ine yavha Vho Nkhulela. Aḽibamu iyo yo tevhelwa nga aḽibamu ya Abundant Grace (ye ya kandiswa i tshi vhoniwa nga vhathu) nga ṅwaha wa gidimbili fumi raru. Nga ṅwaha wa gidimbili fumi thanu, vho anḓadza CD i songo ḓoweleaho, ye ya vhidzwa No ear has heard, ya tevhelwa nga Aḽibamu ya Khoroni dzavho nga ṅwaha wa gididmbili fumi ṱahe.
Ramuzika vhari vha ḓisa thambo kha vhatevheli vha muzika wa gosipele uri vhavhe navho nga ḓuvha iḽi ḽau kandisa aḽibamu yavho. Mushumo u ḓo takutshedza nga awara ya vhurarau masiari.
Vhafunzi Vho-Kharivhe vhari vha aḓi rwa khana nga Vho-Sikhwivhilu, vhane ndi kale vha muraḓo wa kereke yavho hone vha fulufhela uri na vha tshivhidzo tshavho vha ḓoḓa nga vhunzhi u tikedza nga ḓuvha iḽi.
Vhane vha ṱoḓa thikhithi vha kwama Vho-Sikhwivhilu kha nomboro dza 082 934 4396 kana 076 505 5639. Thikhithi dza vhau bubela ndi R100 ngeno thikhithi ya nnyi na nnyi hu R170 yone ya VIP ndi R350. Thikhithi dzi wanala Pick 'n Pay.