Tshiṱori nga: Thembi Siaga. Ṱhalutshedzo nga: Khathutshelo Raliphaswa.
Tendani Mudau u touvha tsumbo yauri ahuna mushumo une wa vhetshelwa vhathu vha mbeu nthihi, Tendani ane avha mudzulapo wa Valdezia, o thoma lwendo lwawe lwa uvha murungi wa zwienda minwaha miraru yo fhiraho kha kusi kwawe. Ndivho yawe hovha hu uri shume u runga zwienda uri a kone u unḓa muṱa wawe asa vhutambo nga magavhelo a muvhuso kana vhanwe vhathu a dzhia tsheo ya u ḓi sikela mushumo sa izwi masheleni a tshi konḓa hone zwithu zwi tshi ḓura.
Sa muthu ane a dzula kha kusi kune a kuna vhunzhi ha zwishumiswa zwa khwine hone na ṱhahelelo ya mishumo i tshi langa, zwihulu nga tshifhinge tshe havha hu na dwadze ḽa Covid-19, Tendani o ḓou dzhia tsheo yau guda vhutsila hau runga zwienda u bva kha mufarisi wawe, ane a touvha makone kha sia iḽo ḽau runga zwienda.
Mushumo wa Tendani wo no ṱuṱuwedza vhathu vhanzhi muvhunduni wawe, hone na dzangelelo na u shuma o ḓi funga kha mushumo wawe, o no kona u unḓa muṱa wawe. Vhathu vha dovha hafhu vha takalela vhuḓifulufheli hawe hau shuma u runga zwienda sa mufumakdzi kha sia kana bindu ḽine ho ḓala u shuma vhanna khalo. "Thikhedzo ine nda i wana kha vhathu ndi yavhuḓi, hone ia nṱuṱuwedza uri ndi bvele phanḓa na mushumo wanga," a amba.
Naho Tendani a tshi ḓi ṱangana na zwikhukhulisi sa ramabindu munwe na munwe, ene uri khaedu ine ya tou mu konḓela ndi musi vhathu vha tshi hana u badela nga murahu hau vha rungela zwienda. Fhedzi zwikhukhulisi na khaedu idzi a dzi mu nyamisi kha mushumo wawe, hone na bindu ḽawe ḽi khou aluwa zwavhuḓi.
Zwa zwino, Tendani u kha fulo ḽau ṱoḓa vhupo vhune a ḓo shumela hone hune ho ḓalesa vhathu, u fana na mavhengele tserekano. U dovha hafhu avha na dzangalelo ḽau thoma u runga zwiambaro, uri a kone u sikela vhathu vha muvhundu wa Valdezia mishumo. Tendani u fulufhela uri u ḓo ṱuṱuwedza vhafumakadzi vhane a vha shumi uri vha shumise zwishumiswa zwine vhavha nazwo u ḓi sikela mishumo.