Translated by Khathutshelo Raliphaswa
Livhuwani Makungo wa ngei Makonde devhula ha Ṱhohoyandou u touvha yone tsumbo yauri nḓivho ya zwa ngwaniwapo zwi nga fhiriselwa u bva kha munwe murafho uya kha munwe murafho hu u itela thakho ya munwe.
Livhuwani o alusiwa nga mmeawe Vho-Nyadzani Makungo vhe vhavha vhe muṱombi wa mabundu na vhanwe kha kusi kwavho. Naho huuri nḓila ya u ita mabundu yovha i songo nwaliwa fhethu, Vho-Nyadzani vho kona u fhirisela vhukoni havho kha Livhuwani ane namusi u shuma u ṱomba mabundu a rengisa kha bada yau shishinika ya Makonde/Tshilamba.
Vho-Nyadzani vha na minwaha i fhiraho 37 vhe muḓivhalea wa u ṱomba mabundu na mahafhe. " Hayani hashu hovha hu tshi anzela u ḓala vhathu, vhakule na vha tsini vho ḓa uḓi takadza na uḓi phina nga mabundu na mahafhe e mmeanga vha ṱomba. Rovha ri tshi dzulela u thusa mmeanga u ṱomba mabundu ri sa ḓivhi uri linwe ḓuvha ri ḓo shuma u ṱomba mabundu na mahafhe".
Vho-Nyadzani vho litsha u ṱomba mahafhe vha futelela kha u ṱomba mabundu fhedzi. " Minwaha yovha i sa vha tendeli, nda tea uri ndi takutshedze sa izwi ndovha ndo no vhona uri vha ṱomba mabundu nga nḓila-ḓe. U hwala ravha la mabundu uya badani yau shishinika hovha hono uvha vhuleme sa izwi vho no aluwa. Namusi, vhaya takala nau setshela ndi tshi ita mabundu au difha vho sedza. Futhi, athi ḓi sendeki nga muthu uri ndi kone u tshila, mabundu ane nda rengisa a dzhenisa tshelede ine ya kona uri londota muṱani.
Vho-Nyadzani vha takala vhukuma musi vha tshi vhona munwe wa vhananyana vhavho atshi khou isa phanḓa he vhone vha guma hone. "Vhunzhi ha vhaswa vha ano maḓuvha a vha na ndavha na nḓivho ya ngwaniwapo, fhedzi ndi takalela uri Livhuwani uḓo sala a tshi isa phanḓa na vhukoni he nda mu fhirisela hone musi ndo no fhira shangoni. Ahuna zwi takadzaho u fhira u vhona nwana e wa alusa a tshi isa phanḓa na zwe wa thoma. Ndi ṱuṱuwedza vhanwe vhana uri vha gude nḓivho ya zwa ngwaniwapo u bva kha vhabebi vhavho musi vha kha ḓi tshila. Nga iyo nḓila, ri ḓo kona u vhulunga zwa sialala ya hashu," Vho-Nyadzani vha ralo.