Tshiṱori nga: Khathutshelo Raliphaswa. Ṱhalutshedzo nga: Khathutshelo Raliphaswa.
Thendo Mpho Lukhwareni, a bvaho Thohoyandou Block J, wa minwaha ya fumi-rathi o kunda kha ṱano ḽa Eskom Expo ḽa saintsi (ISF). O thuba vhungwena nga epe yawe ya artificial intelleligence-powered (AIP), ine ari i ḓo shumiswa nga vhagudiswa.
Ndivho ya ṱano ḽa Eskom, ye ya farelwa Birchwood Hotel na Or Tambo Conference Centre ngei Boksburg, ndi ya u alusa vho rasaintsi na vha engineering vha Afrika Tshipembe.
Thendo, ane avha mugudiswa wa tshikolo tsha nṱha tsha Mbilwi, ovha e munwe wa vhagudiswa vha fumi vhe vha khethwa u avhelwa mbekanyomushumo ya minwedzi ya fumbili, ye ya lambedzwa nga vha gudedzi ḽa Yunivesithi ya thekinolodzhi ya Durban, hone ho vhetshelwa mugudiswa munwe na munwe masheleni a swikaho a zwigidi zwa fumbili.
Mushumo kana epe yanga, 'Student Tech Universal Development Assistant (STUDA)'. Ndi ine ya ḓo thusa vhagudiswa vhane vha vha na khaedu kha mishumo yavho ya tshikolo zwi tshi vhangwa nga nyimele dza u fhambana. I dovha hafhu ya ṋea vhagudiswa zwikhala zwa u ṅwala zwiṱori na u ḓivha luambo lwa luisimane khwine. Ndivho ya epe ndi u fhungudza u kundelwa ha vhaswa u shumisa luambo Afrika Tshipembe, na u vha nea zwishumiswa zwa khwine zwa u shumisa u guda," hu amba Thendo.
Zwe zwa ṱuṱuwedza Thendo u ita epe iyi ndi kheadu dze ene muṋe a ṱangana nadzo. "Ṅwaha uno fhedzi, ndo fhedza vhunzhi ha tshifhinga tshanga ndi tshi dalela dokotela, izwo zwa nkombetshedza uri ndi salele murahu kha mishumo yanga ya tshikolo. Ndari ndi khou ṱangana na khaedu idzo, ha ḓi vha na vhanwe vha vhagudiswa nga nṋe vhe vha vha vha khou ṱangana na dzi khaedu, nga u vhona izwo, nda vhona zwo fanela uri ndi sike epe iyi ya u thusa vhagudiswa. Nga zwezwo, ha bebwa STUDA."
Mulangi muhulwane wa Eskom Expo, Vho Parthy Chetty vhari mushumo wa Thendo u touvha tsumbo ya uri vha khou shuma nga nḓila yo teaho. "Mushumo wo kundaho ndi wa mugudiswa a bvaho kusini kwa Limpopo hune havha na zwishumiswa zwa pfunzo zwine zwo kalea ri tshi vhambadza na zwikolo zwa dzi ḓorobo khulwane, hone ri livhuwa vha Eskom Expo kha u ṋea vhagudiswa vhashu tshikhala tsha u bveledza vhukoni havho kha sia ḽa saintsi. Ndi zwa vhuṱhogwa uri zwikolo, vhagudisi, na vhagudiswa vha ḓi dzhenise kha pfufho idzi dzine dza shandukisa matshilo a vhanzhi."
Thendo o pfufhiwa na mendele wa siḽivhere kha ṱano iḽo. Uri o ḓi imisela u bvela phanḓa na tsedzuluso na u pfesesa hawe nga ha nḓila ya u guda, na nḓila ine epe yawe ya nga shumiswa u leludza nḓila dza u guda. Ndivho yawe ndi u shandukisa nḓila ya u guda.