Tshiṱori nga: Kaizer Nengovhela. Ṱhalutshedzo nga: Khthutshelo Raliphaswa.
Uvha muhashi ane anzela u ita dzi ṱhoḓisiso nga mushumo wawe ndi ṱhoḓea uri uvhe muhashi wa saintsi na thekinolodzhi o bvelelaho. Iyi ndi ngoho kha muhashi wa Makhado FM ane avha Thidilweli Mukhudi sa izwi hu zwine azwi kona. Mukhudi u bva kha kusi kwa Mafhohoni, ane zwa zwino u khou ḓi sikela dzina kha nḓowetshumo ya u hasha.
Mukhudi wa minwaha ya fumbiiraru o bebwa a aluswa kha kusi kwa Ha-Makhitha, o dzhena tshikolo tsha Madaheni Combined, aya a fhedza funzo dzawe dza nṱha kha tshikolo tsha nṱha tsha Phophi. Zwau hasha ozwi guda musi atshi ṱhaphudza pfunzo dzawe gudedzini la University of Venda, he a gudela zwa vhudavhidzani.
Mukhudi u hasha mbekanymushumo ya Saintsi na thekinolodzhi nga Lavhuvhili ubva kha awara ya vhuvhili u swika awara ya vhuraru, ndi mbekanyomushumo ine ya amba nga zwine vhathu vha ṱangana nazwo ḓuvha linwe na linwe. "Ndi fanela u dzula ndo ḓi lugisela musi ndi tshiya nḓuni dza khasho tshifhinga tshoṱhe. U dzulela u vhala, u ṱoḓisisa na u funa mushumo wanga ndi zwine zwa ita uri ndi hashe mbekanyomushumo ine ya takalelwa nga vhathu," amba.
U shumisa hawe luambo wa ḓamuni - Tshivenda - ndi zwe zwa alusa dzina lawe kha nḓowetshumo ya vhumvumvusi, zwihulu a saathu u fhedza minwaha miraru a muhashi. "Mbekanyomushumo yanga i ngau gudisa u fhira u mvumvusa, hone ndi dzulela u shumisa luambo lune vhathetshelesi vha ḓo kona u pfesesa sa izwi i yone nḓila yau davhidzana hashu na vhathetshelesi," a engedza.
Mukhudi uri u shuma nga mafulufulu, u konḓelela, u ṱuṱuwedziwa na u kona u langa tshifhinga, ndi zwone zwine zwa mu thusa uvha muhashi o bvelelaho. "ndi dzulela uḓi vhudza uri naho nda kundelwa u hasha manwe maḓuvha, ḓuvha line nda hasha ndi dzulela u hasha nga nḓila ine vhathetselesi vha fushea," a amba.
Mukhudi uri u hasha i touvha mbidzo khae. "Ahuna zwine zwa mphodza u fana na radio. Radio i touvha zwoṱhe kha nne. Musi ndi nḓuni dza khasho, ndia hangwa nga zwithu zwoṱhe. Ahuna zwine zwavha khwine u fhira u ita zwine wa zwi funa."