Tshiṱori nga Kaizer Nengovhela. Ṱhalutshedzo nga Khathutshelo Raliphaswa.
Mulangi wa thimu ya Sinthumulekutama Ladies, Vho Caswell Mohale, vha na fulufhelo ḽauri thimu yavho vha ḓo aluswa kha ḽigi ya lushaka husi kale. Thimu iyo, ye yavha itshikhoutamba kha ḽigi ya SAFA Limpopo Sasol ya vhafumakadzi kha khalanwaha ino, vho imedzana na thimu ya Ramatlaohle Ladies FC kha mitambo ya makhaulatshele a vunḓu Yunivesithi ya Limpopo nga Mugivhela.
Vhasidzana avho vhane vha bva vhukovhela ha ḓorobo ya Louis Trichardt vho swikelela u tamba kha mitambo iyo nga murahu hau fhedza kana u wana vhuimo ha nṱha kha Stream B.
Vho Mohale vho amba zwauri vha aḓi hudza nga thimu yavho, he vha amba zwauri vho ḓi imisela uvha iṅwe ya dzi thimu dza khwine kha vunḓu ḽa Limpopo. Thimu iyi vho renga vhuimo ubva kha Two FOR Joy Ladies FC mathomoni a ṅwaha. Vho livhuwa nau amba zwauri thimu iyi yo bvelela ngauri vha sedzana na vhukoni ha vhaswa, he vha amba zwauri vhupo ha Sinthumule na Kutama vhana vhaswa vhanzhi vhare na vhukoni.
Mugudisi muhulwane wa thimu, Vho Thikhathali Libago, vho amba zwauri, musi khalanwaha i tshi thoma, vho nea mulayo wau khwaṱhisedza uri vha fhedze vhe nṱha kha logo. "Vhasidzana vhashu vha khou ita zwa khwine zwine vha nga kona zwone ndia takalela nga nḓila ine vha shuma ngayo," vha amba.
Vho engedza zwauri nḓivho yavho ndiu shumisa mitambo iyo ya makhaulatshele sa nḓila ya uya nṱha kha ḽigi ya SAFA Hollywoodbets ya vhafumakadzi. "U swikelela mitambo iyi zwo ṱuṱula vhasidzana nauvha nea mafulufulu," vha amba.